POP 5

Lajmet më të lexuara të 5 minutave të fundit

Politikë

PD akuza qeverisë:Rama çdo javë
një agresion të ri ndaj studentëve‏

Partia Demokratike iu ka bërë thirrje qytetarëve t’i bashkohen protestës së drejtë e legjitime të studentëve shqiptarë. Në një deklaratë për mediat, zëdhënësja e PD-së Oriela Nebiaj tha se studentët tanë po gjenden çdo javë para një akti të ri agresioni. VIDEO
PD akuza qeverisë:Rama çdo javë<br />një agresion të ri ndaj studentëve‏
Partia Demokratike iu ka bërë thirrje qytetarëve t’i bashkohen protestës së drejtë e legjitime të studentëve shqiptarë. Në një deklaratë për mediat, zëdhënësja e PD-së Oriela Nebiaj tha se studentët tanë po gjenden çdo javë para një akti të ri agresioni.

Deklarata e plotë e zëdhënëses të PD

Studentët tanë po gjenden cdo javë para një akti të ri agresioni, trajtimi dashakeq, apo arrogance qeveritare. Rritja e tarifave brenda një viti nga 33 përqind në Tiranë, e deri në 75 përqind në Universitetin e Korcës, apo 95 përqind në Universitetin Bujqësor, është një masë e dhunshme dhe shkatërruese për të rinjtë dhe jetën e tyre akademike.

Ndërsa deklaron se do të bëjë reformë në arsim, qëllimi i Edi Ramës është të zhvasë xhepat e shqiptarëve për të paguar borxhet e një ekonomie tashmë të rrënuar. Asnjë investim në arsim, asnjë shtesë për pedagogët, të gjitha në xhepat e qeverisë së korruptuar dhe të paaftë për të paguar borxhet.

Protesta e studentëve kundër rritjes së menjëhershme të tarifave nga qeveria është legjitime. Po para se t’i asfiksojë ekonomikisht, qeveria ndërmori shumë hapa armiqësorë ndaj studentëve.
Ulja e numrit të kuotave për studimet master, mbyllja e disa filialeve, vendimi i papritur për shpërnguljen e tyre nga një godinë universitare me traditë, hedhja në rrugë e të gjithë atyre që duan studimet part time;  janë të gjitha dëshmi e një qëndrimi anti-arsim, anti-rini, anti-studentë, të Edi Ramës.

Duke shkelur me përcmim një të drejtë themelore e përcaktuar edhe në Kushtetutë, sic është e drejta për arsimin e lartë, Edi Rama po nëpërkëmb ambicien dhe dëshirën e të rinjve për dije.


Ndërhyrja që ka bërë me kufizime, vështirësitë ekonomike që u ka krijuar studentëve, dhe familjeve të tyre, janë të dënueshme e të papranueshme.Partia Demokratike i përkrah kërkesat e studentëve, i sheh ato si të drejta e legjitime. Ne i bëjmë thirrje qytetarëve t’i bashkohen studentëve në këtë protestë, me këtë kauzë të drejtë të pjesës më vitale të shoqërisë tonë.



Redaksia Online
(g.f/Shqiptarja.com)

  • Sondazhi i ditës:

    A justifikohen aktet e dhunes gjatë një proteste politike?

Lajme të tjera



×

Lajmi i fundit

Atentati në Memaliaj, motra e Shyqyri Kalemit për Report Tv: Kemi dërguar emrin e autorit në Drejtorinë e Policisë së Tiranës, kemi besim tek drejtësia

Atentati në Memaliaj, motra e Shyqyri Kalemit për Report Tv: Kemi dërguar emrin e autorit në Drejtorinë e Policisë së Tiranës, kemi besim tek drejtësia

11 Tetor, 10:19