Ish-deputeti i PD e njëkohësisht anëtar i kryesisë së saj, Kreshnik Çollaku, i ftuar në ‘Repolitix’ në ‘Report Tv’ ka bërë një deklaratë të fortë për kundërshtarët politikë.

Sipas Çollakut, disa ministra aktualë dhe zyrtarë të tjerë lokalë janë kapur nga shërbimet policore partnere të përfshirë në trafik droge.

“Kemi përgjimet të agjensive tona e të huaja që kanë kapur ministra të kësaj qeverie të përfshirë në trafik droge. Janë 4 ministra dhe 3 kryetarë bashkie”, ka thënë Çollaku.

Ai ka paralajmëruar se Partia Demokratike disponon fakte rreth kësaj çështje, të cilat do t’i publikojë në janar.

Redaksia Online
J.Sh Shqiptarja.com