POP 5

Lajmet më të lexuara të 5 minutave të fundit

Politikë

PD e Vaut të Dejës: Policia ka ndaluar 3 kandidatët tonë për Këshillat Bashkiak me qëllim intimidimin! Çuçi të reagojë

Partia Demokratike e degës Vau Dejës ka pretenduar se efektivë të policisë kanë ndalur sot 3 kandidatëve për këshillat Bashkiak. Sipas tyre, 3 kandidatët janë janë ndaluar nga një patrullë e policisë së shtetit, pa asnjë motiv.

PD e Vaut të Dejës: Policia ka ndaluar 3 kandidatët tonë për Këshillat Bashkiak me qëllim intimidimin! Çuçi të reagojë

Bashkia Vau Dejës

SHKODËR- Partia Demokratike e degës Vau Dejës ka pretenduar se efektivë të policisë kanë ndalur sot 3 kandidatëve për këshillat Bashkiak. Sipas tyre, 3 kandidatët janë ndaluar nga një patrullë e Policisë së Shtetit, pa asnjë arsye. Policia thotë se ndalimi i tyre është bërë për shkak se nuk i janë ndalur postoblloku, por PD thekson se një gjë e tillë nuk është e vërtetë. Bëhet fjalë për Gjon Markun, kryesues i listës, ish kryetar i Bashkisë, dhe 2 kandidatëve Aleks Prendi dhe Gjin Lazri.

"Partia Demokratike, Dega Vau Dejës denoncon ndalimin që iu është bërë sot rreth orës 19:15 tre kandidatëve të PD-së për Këshillin Bashkiak të Bashkisë Vau Dejës: 
1-Z Gjon Marku Kryesues i listes për Anëtar të Këshillit të Bashkisë Vau Dejës, ish Kryetar i Bashkisë Vau Dejës, Ish Sekretar I Këshillit të Qarkut Shkodër.
2- z. Aleks Prendi, kandidat për Këshillin Bashkiak Vau Dejës 
3- z. Gjin Lazri, kandidat për Këshillin Bashkiak Vau Dejës
Të tre kandidatët janë ndaluar nga një patrullë e policisë së shtetit, pa asnjë motiv, pa asnjë arsye, të cilët kanë ndaluar kandidatët e Partisë Demokratike fillimisht në qënder të fshatit Mjedë me preteksin që gjoja nuk jeni ndaluar postobllokut të Policisë gjë që nuk është aspak e vërtet dhe është trillim pasi gjatë aksit rrugor nuk ka pasur asnjë postobllok policie. 

Pasi i kanë ndalur në fshatin Mjedë, dhe me pas i kanë lënë të lirë, patrulla e policisë ka ndjekur gjatë gjithë rrugës mjetin me të cilin po udhëtonin kandidatët e Partisë Demokratike, duke i ndalur sërish në qëndër të qytetit të Vau Dejësit.   Kjo patrullë, pasi është ndalur mjeti, kanë detyruar Kandidatin për Anëtar të Këshillit të  PD bashkë me automjetin e tij të largohet 1 km larg qytetit për t'i bërë kontroll fizik. 

Një sjellje arbitrare dhe aspak etike, këta punonjës të Policisë së Shtetit kanë shkelur rëndë nenin 94, 110 dhe 116 të ligjit nr. 108/2014 "Për Policinë e Shtetit", i ndryshuar,  duke kryer verifikime dhe kontrolle të kandidatëve demokratë, me qëllim të qartë intimidimin e tyre. Sjellje të tilla përbëjnë jo vetëm shkelje të rënda disiplinore, me pasojë largimin e menjëhershëm nga detyra, por edhe veprën penale të "Shpërdorimit të detyrës", sipas nenit 248 të Kodit Penal", thuhet në reagim. 

Ato i bëjnë thirrje Ministrit të Brendshëm, Bledi Çuçi dhe Drejtorit të Përgjithshem të Policisë së Shtetit, Muhamet Rrumbullaku të reagojnë. 

"Ne i bëjmë thirrje Ministrit të Brendshëm dhe Drejtorit të Përgjithshem të Policisë së Shtetit që të reagojnë menjëherë ndaj këtij rasti skandaloz dhe të paprecedentë", përfundon deklarata. 

Deri tani nuk ka një reagim nga ana e Uniformave blu për këtë deklaratë. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56