POP 5

Lajmet më të lexuara të 5 minutave të fundit

Politikë

PD e Vlorës: Eksplozivi pranë
banesës së Kollozit, akt terrorist

Nëpërmjet një njoftimi për shtyp Partia Demokratike e Vlorës e quan akt terrorist shpërthimin me eksploziv që ndodhi pranë banesës së kryetarit të degës së PD-së të Vlolës Ardian Kollozi.
PD e Vlorës: Eksplozivi pranë<br />banesës së Kollozit, akt terrorist
VLORE- Nëpërmjet një njoftimi për shtyp Partia Demokratike e Vlorës e quan akt terrorist shpërthimin me eksploziv që ndodhi pranë banesës së kryetarit të degës së PD-së të Vlolës Ardian Kollozi. Dega e Partisë Demokratike e Vlorës dënon me ashpërsi këtë krim  dhe i kërkon organeve të rendit dhe të drejtësisë zbardhjen në një kohë të shkurtër të ngjarjes dhe kapjen e autorëve. 

Njoftimi i PD-së Vlorë
 
Falanga të krimit vunë dje një sasi eksplozivi pranë banesës së kryetarit të degës së Partisë Demokratike të Vlorës, Ardian Kollozi, njëkohësisht kandidat për deputet në zgjedhjet e 23 qershorit.

Ngjarja ndodhi në orët e para të mëngjesit të sotëm dhe nga shpërthimi i fuqishëm pati dëme të konsiderueshme materiale në hyrjet dhe në dyert e disa apartamenteve.

Ky akt i pastër terrorist vjen në kulmin e fushatës elektorale dhe duket qartë se ka një prapavijë politike. Kandidatët e Partisë Demokratike janë duke zhvilluar prej ditësh një fushatë të qytetëruar në qytetin e Vlorës dhe në bashkitë e komunat përreth, gjatë së cilës nuk është shënuar as edhe incidenti më i vogël.

Shpërthimi ndodhi pikërisht në ditën që ishte paralajmëruar një takim elektoral i kryetarit të Partisë Socialiste, Edi Rama, në komunën e Novoselës, vetëm pak kilometra larg qytetit. Zoti Rama është edhe kryesuesi i listës së deputetëve të Partisë Socialiste për Qarkun e Vlorës.

Dega e Partisë Demokratike e Vlorës dënon me ashpërsi këtë krim të shëmtuar dhe i kërkon organeve të rendit dhe të drejtësisë zbardhjen në një kohë të shkurtër të ngjarjes dhe kapjen e autorëve. 

Ajo shpreh bindjen e plotë se falangat e krimit do të vihen shumë shpejt në bankën e të akuzuarve dhe do të marrin atë që meritojnë.

Njëkohësisht, ajo i kërkon kundërshtarëve politikë që të distancohen menjëherë nga akti terrorist, si gjesti minimal se i qëndrojnë ballafaqimit të ideve dhe alternativave në këto zgjedhje.

Ndërkohë, ajo i kërkon anëtarëve dhe simpatizantëve të Partisë Demokratike që të ruajnë qetësinë dhe të vijojnë dialogun e qytetëruar me zgjedhësit e qarkut të Vlorës, duke pasur besim të plotë se kjo ngjarje nuk do të ndikojë aspak në frymën entuziaste të fushatës sonë. Përkundrazi, ky akt burracak do të motivojë më shumë votuesit e Partisë Demokratike dhe qytetarët e pangazhuar që të mbështesin forcën tonë politike.

Qytetarët e Vlorës duhet ta dinë se nuk ka asgjë në botë që mund ta ndalë fitoren e Partisë Demokratike më 23 qershor.

(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mahmutaj për Report Tv: Suel Çela pagoi Artan Hoxhën për të manipuluar informacionet, i ka shtrirë tentakulat deri te gazetarët! Inskenuan kërcënimin

Mahmutaj për Report Tv: Suel Çela pagoi Artan Hoxhën për të manipuluar informacionet, i ka shtrirë tentakulat deri te gazetarët! Inskenuan kërcënimin

27 Nëntor, 19:20