POP 5

Lajmet më të lexuara të 5 minutave të fundit

Politikë

PD: Edi Rama po mashtron me
gjendjen ekonomike të Shqipërisë

Partia Demokratike ka akuzuar kryeministrin Edi Rama se, është duke mashtruarme gjendjen financiare të vendit. Sipas saj, Edi Rama ka dhënë dy versione brenda pak ditësh.
PD: Edi Rama po mashtron me<br />gjendjen ekonomike të Shqipërisë
TIRANË - Partia Demokratike ka akuzuar kryeministrin Edi Rama se, është duke mashtruarme gjendjen financiare të vendit. “Më 31 tetor, në relacionin që i ka dërguar parlamentit Edi Rama thotë se gjendja e financave publike është e rëndë dhe rreziku i rënies në skenarin grek është real” tha gjatë një koference për median zëdhënësja e PD-së, Silvi Bardhi.

Por sipas saj, “5 ditë më pas, me 4 nëntor, në mbledhjen me deputetët e tij Edi Rama thotë se financat janë përmirësuar dhe rreziku i skenarit grek është shmangur”.
“Kjo nuk është një paqëndrueshmëri emocionale e Kryeministrit që do të meritonte analizën e psikologëve. Është më e rëndë, është mashtrim i hapur”, theksoi në fjalën e saj, zëdhënësja Bardhi.

Partia Demokratike thotë se, “në relacionin e projektligjit për dorëzimin e doganave tek “Croën Agents”, Edi Rama thotë se rreziku i skenarit grek është real, sepse i duhet të justifikojë këtë prokurim të drejtpërdrejtë,  të kushtueshëm dhe jo transparent. Kurse para të tijve i duhet të justifikojë emërimet e drejtoreshave, dhe t’u thotë se falë punës së tyre të paepur vendi e kaloi lumin, dhe e la pas skenarin grek”.

Në fakt, ekonomia shqiptare i rezistoi krizës globale dhe rajonale, nuk ra në stanjacion dhe ruajti rritje, siç cilësojnë edhe raportet e BE dhe FMN,  falë politikave të drejta të qeverisjes demokrate. I vetmi rrezik për ekonominë tonë, për mirëqenien dhe për demokracinë është Edi Rama”, tha në fund të fjalës së tij, zëdhënësja e PD-së, Silvi Bardhi.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Netanyahu: Do të bëj gjithçka që Irani të mos ketë armë bërthamore

Netanyahu: Do të bëj gjithçka që Irani të mos ketë armë bërthamore

28 Nëntor, 20:43