POP 5

Lajmet më të lexuara të 5 minutave të fundit

Politikë

PD ‘harron’ mosbindjen, takohet në tryezë me PS dhe BE-në në Rogner! Manja: Dekriminalizojmë plotësisht shpifjen

Kuvendi është përfshirë prej disa javësh në një krizë, ku opozita ose nuk merr pjesë, ose shkakton kaos. Por kjo sjellje nuk transferohet në hotelet e Tiranës, ku palët bëhen bashkë dhe diskutojnë edhe për çështje delikate, si shpifja, për të cilën qeveria angazhohet ta dekriminalizojë plotësisht. 

Një ditë përpara konferencës ndërqeveritare BE-Shqipëri, Kuvendi ishte thuajse bosh e nuk u zhvillua ndonjë debat për këtë çështje. Bojkoti i opozitës, e cila ka shpallur një lloj mosbindje civile, bëri që jeta parlamentare të dominohej nga mazhoranca, edhe në ato komisione që i drejton opozita, si Shëndetësia dhe Media.

Por matanë bulevardit, në një hotel luksoz ku paguajnë ambasadorët dhe mikrofonët i komandon shoqëria civile, PS dhe PD nuk kanë asnjë problem të bëjnë atë që nuk e bëjnë në parlament.

Në tryezën e udhëhequr nga disa organizata që mbrojnë lirinë e shtypit, qeveria dha zotime serioze për të hequr nga Kodi Penal shpifjen, premtim ky që i është bërë Brukselit.

Organizatat mediatike i kërkuan qeverisë të marrë masa sipas standardeve të BE, për të parandaluar paditë SLAPP, të cilat përdoren gjerësisht për të dekurajuar gazetarët.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Diplomacia e Xhelalit: Mziu i bën tag Donald Trumpit me shpresë se e shikon Berisha dhe e vendos kandidat

Diplomacia e Xhelalit: Mziu i bën tag Donald Trumpit me shpresë se e shikon Berisha dhe e vendos kandidat

29 Dhjetor, 18:04