PD kallëzon ministren Xhaçka në SPAK: Abuzoi me tenderin pa garë 1.5 milionë euro të ushqimit

PD kallëzon ministren Xhaçka në SPAK: Abuzoi me tenderin pa garë 1.5 milionë euro të ushqimit

Partia Demokratike ka kallëzuar në SPAK ministren e Mbrojtjes Olta Xhaçka, pasi e akuzon se ka abuzuar me tenderin pa garë prej 1.5 milionë euro të ushqimit.

"Ky tender i realizuar me urgjencë në këtë kohë krize, ku është shpallur fituese pa garë, një kompani kompjuterash, është një aferë e pastër korruptive dhe klienteliste" shprehet PD  pasi i japin 1.5 milionë euro një kompanie që nuk ka eksperiencë në tregtimin e produkteve ushqimore.

Deklarata e plotë e PD

Pas dokumentimit të skandalit me tenderin e blerjes së ushqimeve nga Ministria e Mbrojtjes, ku një kompani elektronike dhe ndërtimi, u shpall fituese për tregimin e ushqimeve, në kundërshtim me ligjin, Partia Demokratike e Shqipërisë do të paraqesë nesër në mëngjes kallëzim penal në SPAK ndaj Ministres së Mbrojtjes Olta Xhaçka.
 
Ky tender i realizuar me urgjencë në këtë kohë krize, ku është shpallur fituese pa garë, një kompani kompjuterash, është një aferë e pastër korruptive dhe klienteliste, për shkak se:
 
1. Kompania që Edi Rama dhe Olta Xhaçka kanë parapërzgjedhur t’i japin plot 1.5 milion euro nuk ka asnjë eksperiencë në tregtimin e produkteve ushqimore. Kompania “Eurovia” është e specializuar për pajisje kompjuterike dhe ndërtim, jo për tregtimin e produkteve ushqimore.
2. E njoftuar parapakisht për hapjen e këtij tenderi, në datë 19 Mars 2020, pra vetëm 6 ditë para se të shpallej fituese e tenderit për ushqime nga Ministria e Mbrojtjes, kompania “Eurovia” shpk, dega Shqipëri, ka modifikuar objektin e aktivitetit të saj, duke shtuar edhe tregtimin në produktet ushqimore. Vetëm 6 ditë pas këtij modifikimi, pa asnjë eksperiencë në këtë fushë, ajo shpallet fituese e tenderit 1.5 milionë euro të zhvilluar nga Ministria e Mbrojtjes për paketat ushqimore.
 
Organi i prokurorisë duhet të veprojë me urgjencë për vënien përpara përgjegjësisë ligjore të kujtdo që, edhe në kohë pandemie vjedh. Në këtë kohë krize është e domosdoshme mirëmenaxhimi i fondeve publike dhe rritja e përgjegjshmërisë së institucioneve shtetërore.
 
Në tenderin e Ministres së Mbrojtjes Olta Xhaçka rezulton e provuar kryerje e tre veprave penale dhe konkretisht: “Shpërdorimi i detyrës”; “Shkelja e barazisë së pjesëmarrësve në tendera apo ankande publike” dhe “Korrupsioni pasiv i funksionarëve të lartë shtetërorë ose i të zgjedhurve vendorë; parashikuar nga nenet 258, 258 dhe 260 të Kodit Penal.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LYLI ME RAPORT: 01/04/2020 10:28

    O lyl por harove ti që su paraqite në gjyq o kriminel o hsjdut po jepje raport se ishe me diare. E në një koh që drejtësin e kishte maloku baba jot krimineli qen salhe që k8shte vu tom dreçin me shok me nga 7 klas shkoll e fatmira hajdarin me 8 klas shkoll e sado që ishte pa drejtësia e juaj ti spate guximin të paraqiteshe në gjykat o nastradin. Po kamdauni ka filluar me koh o shal ngjit.

    Përgjigju
  • Cami: 31/03/2020 21:34

    Ca jane keta njerez te ndyre o zot. Kur do shpetojm nga keta njerez te ligj

    Përgjigju
  • I pandehuri Basha: 31/03/2020 20:16

    O plehra!!!! Po prisni njehere te mbaroje pandemia! Nëse është e vertete ajo qe thoni sot, do te jete e vertete edhe neser! Dhe ne qofte keshtu le te shkoje ne burg. Po tani ky eshte kontributi qe i jepni njerezve qe jane ne hall? Plehra!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit: U qëllova për shkak të detyrës! Arrestohet autori

Atentat avokatit në Memaliaj, i shpëton breshërisë së kallashnikovit: U qëllova për shkak të detyrës! Arrestohet autori