POP 5

Lajmet më të lexuara të 5 minutave të fundit

Politikë

PD kalon pr/ligjin e armëve, PS
kundër, e sillni në prag të fushatës

Komisioni i Sigurisë miraton në parim me 9 vota pro dhe 4 kundër pr/ligjin për armët. Pr/ligji tepër i diskutuar dhe i debatuar është miratuar vetëm me votat e mazhorancës.
PD kalon pr/ligjin e armëve, PS <br />kundër, e sillni në prag të fushatës
TIRANE- Komisioni i Sigurisë miraton në parim me 9 vota pro dhe 4 kundër pr/ligjin për armët. Pr/ligji tepër i diskutuar dhe i debatuar mes mazhorancës e opozitës është miratuar vetëm me votat e mazhorancës.

Edhe në mbledhjen e sotme ka pasur debat mes socialistëve dhe demokratëve. PS është shprehur kundër formulimit të këtij ligji për mënyrën si është ndërtuar dhe nuk asnjë përafërsi me ligjet evropiane. Sipas tyre nëpërmjet këtij ligji sigurojnë lejen për të mbjatur armë më shumë kategori personash, por zv ministri i Brendshëm Arben Ristani e kundërshton.

Sipas deputetit socialist Paulin Sterkaj: “Qëllimi i ligjit është të hap biznesin e armëve tani që jeni në largim dhe në prag të fushatës elektorale”.

“Ky ligj është në kontekstin e fushatës së ardhshme. Së pari grupi i përfituesve rritet në prag fushate. Kjo përbën problem pasi kemi parë si sillen shoferët e deputetëve. Ky ligj ka shumë probleme”- tha deputeti socialist Gazmir Bizhga.  “Cilat janë shkaqet që zgjeroni rrethin e zgjerimit të personave që përdorin armë”- ngriti pyetjen deputeti socialist Asllan Dogjani.

“Ne nuk zgjerojmë kategoritë e personave por i ngushtojmë"- tha Ristani.

“Çfarë kuptimi ka paisja e zv/ ministrave dhe e deputetëve me armë?”- tha Felaj, të cilës Ristani u përgjigj se cështja është diskutuar dhe më parë dhe në këto ndryshime të pr/ligjit ishin reflektuar edhe propozimet e Pandeli Majkos. Pr/ligji i ri siguron dhe kryerjen e një kursi për për aftësinë e mbajtjes së armës.

Pr/ligji parashikon të armatosë deputetët, ministra, zv/ministra, prefektë dhe anëtarë të Gjykatës Kushtetuese dhe të Lartë. Sipas qeverisë drafti me 37 nene, ka qëllim përafrimin me direktivën e BE-së, "Për kontrollin e blerjeve dhe posedimit të armëve". Në nenin 20 i njeh të drejtën e mbajtjes së armës edhe autoriteteve të huaja, sipas marrëveshjeve ndërkombëtare dhe parimit të reciprocitetit, ku bëjnë pjesë diplomatët e huaj, nëpunës të konsullatave, punonjës të misioneve ushtarake në Shqipëri.

Drafti i ri do të ndryshojë atë të vitit 1992 i cili u ndryshua disa herë deri në 2009. Neni 18 parashikon funksionarët që mbajnë armë. Listës së deputetëve, ministrave, kryetarit të Gjykatës Kushtetuese dhe të Gjykatës së Lartë, i janë shtuar zv.ministrat, prefektët, si dhe drejtues të shoqërive tregtare që kanë kapital jo më pak se 50 milionë lekë.

(sg/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46