POP 5

Lajmet më të lexuara të 5 minutave të fundit

PD, kapi vezët,por shkul më parë puplat e padrejtësisë!

Ndonjë deputet i opozitës kryeqytetase është kapur duke hyrë në Kuvend me vezë, me siguri për të protestuar e për të qëlluar veprime që nuk ndajnë me shumicën.Shumë ide 
PD, kapi vezët,por shkul më parë puplat e padrejtësisë!
Ndonjë deputet i opozitës kryeqytetase është kapur duke hyrë në Kuvend me vezë, me siguri për të protestuar e për të qëlluar veprime që nuk ndajnë me shumicën.Shumë ide interesante. Protestë ekologjike ndaj qëllimeve të këqija.Po ndodh edhe në Kosovë. Sa e bukur do të ishte Shqipëria me një opozitë të drejtë e parimore. Por a është kjo?

PD e jona nuk është si opozita e Kosovës. Lulzim Basha me një shtëpi dy kate (dy kate të tëra, jo dy apartamente dhe një ashensor në dispozicion rrëmbyer banorëve), nuk është Albin Kurti i 65 metrave katrorë. Dhe kë ka komshije në linjë ajrore Lulzim Basha? Majlinda Bregun. Një tjetër ish-ministre e PD me një tjetër superapartament luksoz në Tiranë. E kë ka fqinjë ajrore Majlinda Bregu? Jozefina Topallin. Një tjetër drejtuese e PD me një tjetër superapartament te Ambasador 3 i Zamir apo Sajmir Manes, si quhet (burimet nga punëtorë të pallatit të sapondërtuar). E kë ka fqinj ajror Jozefina Topalli? Sali Berishën me zyrën e tij plot luks në kullën e bukur të Aba Centër. E kë ka fqinj Sali Berisha? Vetveten në një tjetër pallat simpatik në rrugën sharmante Mustafa Matohiti, pas ETC... e kështu me radhë…

Po kush ua la pasuritë këtyre? Gjyshi, gjyshja, apo puna si rrogëtarë në shtetin më të varfër të Evropës?Kanë marrë pronat e të parëve? Tre nipërit e Shefqet Verlacit, pronarit më të madh të tokave e të pronave në Shqipëri, të afërm të mamasë sime, bëjnë një jetë modeste në Romë e Paris. Asgjë nuk kanë marrë nga Shqipëria ose vetëm pak grimca.Gjithcka i është grabitur nga zyrtarë, prokurorë e gjykatës, nga shteti drejtuar nga politika e grabitjes së pasurisë. Ndërsa politikanët tanë, sot opozitarë me vezë të PD-së i kanë me shumicë të gjitha: Apartamentet në Tiranë e vilat në plazh.

Politika e korrupsionit nga të gjitha palët i ka bërë dëmin më të madh vendit, e ka bërë qesharake dhe ka bjerrur shijen e vërtetë dhe të fisme të Protestës. PD, merr në dorë vezët, por më parë shkul nga vetja puplat e korrupsionit dhe arrogancës. 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kriza e 'Qytetarëve', Guardiola: Kemi thyer rekorde, tani e bëjmë në anën tjetër

Kriza e 'Qytetarëve', Guardiola: Kemi thyer rekorde, tani e bëjmë në anën tjetër

24 Dhjetor, 14:32