Sot pritet që parlamenti të miratojë kërkesën e Partisë Demokratike për ngritjen e një komisioni hetimor për të kontrolluar zbatimin e legjislacionit në fuqi për përdorimin dhe administrimin nga Ministria e Brendshme dhe Policia e Shtetit të pajisjes përgjuese “IMSI Cathcer”.
  
Komisioni do të përbëhet nga 11 deputetë, me kryetar nga PD dhe do ta ushtrojë veprimtarinë për 6 muaj.
 
Pak muaj më parë për pajisjen u thirrën në Komisionin e Sigurisë dhe raportuan ministri i Brendshëm, Kryeprokurori, Drejtori i Policisë së Shtetit dhe kreu i SHISH.
 
Ndërkohë që nesër përpos komisionit hetimor, kryefjalë do të jetë miratimi i 6 ligjeve të reformës në drejtësi. 

dy.b/shqiptarja.com