PD letër KQZ-së: Të miratohet akti normativ për sistemin e videomonitorimit në qendrat e votimit! Komisioni: Kërkon kohën e vetë! Po vlerësohen kostot

Partia Demokratike i është drejtuar Komisionit Qëndror të Zgjedhjeve me një letër mbi implementimin e teknologjisë në zgjedhjet e 2021.

Ajo shkruan se deri më tani KQZ nuk ka marrë asnjë masë për të mundësuar aplikimin e sistemit të videomonitorimit në qendrat e votimit.

Demokratët kërkojnë që kjo të konkretizohet sa më shpejtë përmes miratimit të një akti normativ që e mundëson këtë gjë.

Ndërsa në përgjigje të saj, KQZ ka siguruar se po bëhet gjithçka e mundur për implementimin e këtij sistemi por ajo akti normativ kërkon kohën e saj. Përmes një letre zyrtare, komisioni i shkruan se po vlerësohen dhe kostot e mundshme për implementimin e këtij procesi.

Vetëm disa ditë më parë Komisioni Qendror i Zgjedhjeve ka miratuar vendimin për llojin dhe karakteristikat teknike që duhet të plotësojnë sistemet dhe pajisjet e identifikimit elektronik të zgjedhësve. Kreu i këtij Institucioni, Ilirjan Celibashi theksoi se nëpërmjet teknologjisë synohet ruajtja e votës.

Mazhorancës do i duhet edhe njëherë dakordësia e opozitës sa i përket përgatitjeve për zgjedhjet parlamentare të 25 prillit, specifikisht për zonat ku do të realizohet votimi dhe numërimi elektronik, një projekt pilot që do realizohet vetëm në 20% të zonave në Shqipëri, sipas marrëveshjes së 5 qershorit në Këshillin Politik.

KQZ ende nuk e ka një faturë se sa do kushtojë identifikimi biometrik. Për këtë arsye ky institucion u ka kërkuar 20 kompanive me eksperiencë ndërkombëtare në fushën e teknologjisë dhe me përvojë në proceset zgjedhore, të japin një vlerësim mbi kostot e përdorimit të sistemit dhe të pajisjeve të identifikimit elektronik të zgjedhësve.

"Deri në këtë moment nuk rezulton që Komisioni Qëndror i Zgjedhjeve të ketë ndërmarrë ndonjë masë për mundësimin e aplikimit të sistemit të videomonitorimit në qendrat e votimit. Në këto kushte, duke besuar plotësisht në vullnetin tuaj institucional për ushtrimin e kësaj kompetence, Partia Demokratike dhe Opozita e Bashkuar kërkon nga Komisioni Qendror i Zgjedhjeve, që të marrë të gjitha masat për instalimin dhe përdorimin e sistemit të videomonitorimit në qendrat e votimit në zgjedhjet e 25 Prillit, duke miratuar sa më parë aktin normativ që mundëson këtë, si dhe duke parashikuar fondet e nevojshme financiare për implementimin e këtij sistemi" - shkruan PD.

Letra e PD-së drejtuar KQZ-së

Rendit zhvillimet sipas orarit:
Ora 16:22
Letra e PD-së për videomonitorimin në zgjedhje, KQZ: Draftimi kërkon kohën e vetë! Po vlerësohen kostot e mundshme për këtë sistem

Komisioni Qendror i Zgjedhjeve i ka kthyer përgjigje letrës së Partisë Demokratike mbi aplikimin e sistemit të videomonitorimit në qendrat e votimit.

Përmes një letre zyrtare, KQZ shkruan se akti normativ është duke u hartuar por ajo kërkon kohën e vetë. Ndërsa përsa i përket financimit të këtij projekti, KQZ thotë se po vlerësohen kostot e mundshme për implementimin e këtij procesi.

Në letrën e saj, PD pretendon se KQZ nuk ka marrë asnjë masë për të mundësuar aplikimin e sistemit të videomonitorimit në qendrat zgjedhore.

Demokratët kërkojnë që kjo të konkretizohet sa më shpejtë përmes miratimit të një akti normativ që e mundëson këtë gjë.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Përplasi për vdekje me ‘Range Rover’ 52-vjeçarin, arrestohet i riu në Fier

Përplasi për vdekje me ‘Range Rover’ 52-vjeçarin, arrestohet i riu në Fier