POP 5

Lajmet më të lexuara të 5 minutave të fundit

Politikë

PD: Ministri ka braktisur fjalimin e
Nishanit në OKB,skandal diplomatik

Sipas tij nëse ky gjest është rezultat i papërgjegjshmërisë personale të Ditmir Bushatit, atëherë kryeministri Rama duhet të reagojë pa humbur kohë. VIDEO
Partia Demokratike ka akuzuar shefin e diplomacisë shqiptare se ka braktisur fjalimin e Presidentit Bujar Nishani në OKB. Deputeti demokrat Aldo Bumçi tha se ky është një skandal diplomatik.  

“Ndërkohë që Presidenti i Republikës i drejtohet të gjithë vendeve anëtare të OKB-së, duke adresuar sfida që nga lufta kundër ekstremizmit dhe terrorizmit, deri tek njohja e mëtejshme e Kosovës dhe integrimin Europian të Shqipërisë, Ministri i Jashtëm i Shqipërisë nuk dënjon të qendrojë në sallë në detyrim dhe respekt të vendit dhe postit që ai perfaqëson. Këtë sjellje rrugaçërore, ministri Bushati mund t’ia kishte kursyer vendit të tij në sytë e të gjithë botës duke cënuar rëndë imazhin e vendit”, deklaroi deputeti Bumçi.

Sipas tij nëse ky gjest është rezultat i papërgjegjshmërisë personale të Ditmir Bushatit, atëherë kryeministri Rama duhet të reagojë pa humbur kohë. “Përndryshe është vetë Kryeministri që ka urdhëruar këtë skandal në forumin më të lartë të diplomacisë botërore”, theksoi deputeti demokrat.


Ndërkohë shefi i diplomacisë shqiptare nëpërmjet rrjetit social Twitter ( duke ri postuar një status të drejtorit të komunikimit në qeveri, Endri Fuga) shtron pyetjen se po reagon PD apo presidenti.

“Në këtë pikë nuk e kuptoj nëse është PD apo Presidenti që reagon. Në çdo rast është e rënde, pasi është gënjeshtër. Shpresoj të gënjeje PD!”

twitter fuga
















Redaksia Online
(g.f/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27