POP 5

Lajmet më të lexuara të 5 minutave të fundit

Politikë

PD: Naço përballë fotos së Enverit
e Majko me grushtin lart, provokim!

Zëdhënësja Laura Vorpsi, tha se PD dënon mazhorancën për përpjekjet për të rehabilituar figurën e diktatorit Hoxha, duke iu referuar fotos ku shfaqet ministri Naço që nderon para memorialit të Dëshmorëve në Berat ku ndodhej edhe fotoja e Enver Hoxhës, si dhe për nderimin e Pandeli Majko me grusht te Varrezat e Dëshmorëve në Tiranë.  VIDEO
TIRANE – Partia Demokratike ka reaguar për foton ku shfaqet ministri Naço që nderon para memorialit të Dëshmorëve në Berat ku ndodhej edhe fotoja e Enver Hoxhës, si dhe për nderimin e Pandeli Majko me grusht te Varrezat e Dëshmorëve në Tiranë . Zëdhënësja Laura Vorpsi, tha se PD dënon mazhorancën për përpjekjet për të rehabilituar figurën e diktatorit Hoxha.

“Mazhoranca ngriti dje grushtet lart dhe u përul para fotos së Enverit, duke kryer një akt të përsëritur, pervers dhe provokues ndaj shoqërisë shqiptare”- u shpreh zëdhënësja e PD, Laura Vorpsi.

Ritet e djeshme, që sipas PD, shprehin adhurimin e dyshes Rama-Meta ndaj diktatorit,  “janë një sjellje armiqësore ndaj popullit, ndaj ndërgjegjes së kombit”.

“Nderimi i figurës së Enverit dhe simboleve të tij, janë një fyerje dhe përbaltje e kujtimit të dhjetëra mijë shqiptarëve të persekutuar, të internuar, të burgosur të dënuar me vdekje, të pushkatuar pa gjyq”, - tha Vorpsi.

naco para fotos se enverit berat





















(Ministri Naço para memorialit të Dëshmorëve në Berat)

Zëdhënësja Vorpsi u shpreh se PD i kërkon dyshes Rama-Meta të heqë dorë një herë e përgjithmonë nga provokimi i qytetarëve shqiptarë me kujtimet më të këqija të së kaluarës, me plagën më të dhimbshme të shoqërisë sonë.

“Mazhoranca e majtë, Rama dhe Meta, le ta mbajnë idhujtarinë e tyre për Enverin në dhomën e gjumit, dhe mos të guxojnë ta bëjnë pjesë të protokollit dhe të skenës publike, vetëm e vetëm pse aktualisht qeverisin vendin. Koha e lavdisë ikën, dhe ikën shumë shpejt kur populli preket aty nuk duhet”-përfundoi zëdfhënësja Laura Vorpsi.

majko me grusht lart


Redaksia Online
(a.h/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55