POP 5

Lajmet më të lexuara të 5 minutave të fundit

Politikë

PD:Në krye të shërbimeve portuale
në Durrës, një trafikant kokaine

Partia Demokratike ka denoncuar sot emërimin e Fisnik Myrtezait në krye të Shërbimeve Mbështetëse të Portit të Durrësit. Zëdhënësja e PD-së, Laura Vorpsi, në konferencën për shtyp akuzoi emërimin e Myrtezait, pasi sipas PD, ai është dënuar me 3.5 vjet burg në vitin 2011 për trafik kokaine.
PD:Në krye të shërbimeve portuale<br />në Durrës, një trafikant kokaine
TIRANE - Partia Demokratike ka denoncuar sot emërimin e Fisnik Myrtezait në krye të Shërbimeve Mbështetëse të Portit të Durrësit. Zëdhënësja e PD-së, Laura Vorpsi, në konferencën për shtyp akuzoi emërimin e Myrtezait, pasi sipas PD, ai është dënuar me 3.5 vjet burg në vitin 2011 për trafik kokaine.

“Edi Rama ia ka besuar shërbimet më të rëndësishme të portit më të madh në vend, një personi që në janarin e vitit 2011 u arrestua nga policia për trafik kokaine. Gjykata e Durrësit, 3 vite më parë, e ka shpallur Fisnik Myrtezajn fajtor me akuzën e prodhimit dhe shitjes së lëndëve narkotike, duke e dënuar me tre vite e gjysëm burg. Po kjo nuk është pengesë për Edi Ramën që ta bëjë atë drejtor të shërbimeve mbështetëse në Portin e Durrësit." tha zëdhënësja Laura Vorpsi.
 
Duke vijuar akuzat edhe ndaj kryeministrit Rama, zëdhënësja e PD-së tha se “rilindja e Edi Ramës është për ata që kanë pasur probleme me ligjin”.
 
“Rilindja e Edi Ramës është një dështim i madh, por ama rilindja e Edi Ramës për disa militantë, sidomos për ata që kanë pasur probleme me ligjin dhe drejtësinë, po funksionin për së mbari. E kemi parë Edi Ramën të shfaqet shpesh në portin e Durrësit, me doganierë e konsulentë, duke folur për projekte dhe për të ardhmen, por asnjëherë ai nuk tha se përse një të dënuar me 3 vite e gjysëm burg për trafik kokaine, e ka vënë në krye të shërbimeve të portës hyrëse të Shqipërisë në Adriatik.” përfundoi zëdhënësja e PD Laura Vorpsi.

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19