POP 5

Lajmet më të lexuara të 5 minutave të fundit

Kronikë

PD ngushëllon ndarjen nga jeta të Hajdaragës: Humbëm një kundërshtar të denjë politik

Edhe PD ka ngushëlluar ndarjen nga jeta të ish-ministri të Mbrojtjes, Luan Hajdaraga. Në një deklaratë selia blu thotë se ka humbur një kundërshtar të denjë politik, ndërsa PS ithtarin e europianizmit.
PD ngushëllon ndarjen nga jeta të Hajdaragës: Humbëm një kundërshtar të denjë politik

Edhe Partia Demokratike ka shpërndarë një mesazh ngushëllimi për familjen e Luan Hajdaragës, teksa thekson se “humbën një kundërshtar të denjë politik”, ndërsa PS ithtarin e europianizmit. 

PD vlerëson se Hajdaraga ishte një kontribues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.

Mesazhi i plotë i PD:

Partia Demokratike shpreh ngushëllimet e saj më të thella për ndarjen nga jeta të Luan Hajdaragës, protagonist i zhvillimeve të së majtës shqiptare gjatë 28 viteve të fundit.

Hajdaraga ishte një kontribues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.

Si nënkryetar i PS dhe më pas si Ministër i Mbrojtjes apo zëvendësministër i jashtëm, Profesori i njohur i psikologjisë dha kontribut në normalizimin e jetës politike në vend, në zbatimin e një diplomacie pa ndikime partiake dhe mori pjesë aktive në aksionin mbarëkombëtar për zgjidhjen e krizës së të shpërngulurve shqiptarë të Kosovës.

Me ndarjen e tij nga jeta, familja humbi njeriun e saj më të shtrenjtë, Partia Socialiste njërin nga ithtarët e evropianizimit të saj, kurse Partia Demokratike një kundërshtar të denjë politik.


Lajmi kryesor:

Pësoi goditje në tru 4 muaj më parë, ndërron jetë ish-ministri i Mbrojtjes Luan Hajdaraga
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

Për të shpëtuar nga SPAK, Këlliçi distancohet nga gruaja: Nuk bashkëjetoj me Anën

26 Dhjetor, 16:15