TIRANE - Ndërron jetë në moshën 69-vjeçare Luan Hajdaraga. Ish-ministri i Mbrojtjes në vitet 1998-2000 pas një beteje me sëmundjen nuk ka arritur t’ia dalë. Ai u shua sot paradite në QSUT, ndërsa lajmi konfirmohet për Report Tv nga familjarët.
Pak kohë më parë, në muajin mars, ai pësoi një goditje në tru teksa po udhëtonte me makinë nga Maqedonia në Shqipëri. Ishemia cerebrale e paralizoi, ndërsa u dërgua për mjekim në Turqi. Qeveria miratoi një vendim për akordimin e fondit prej 1.9 milionë lekë për mbulimin e shpenzimeve mjekësore.
Pas mjekimit ai u rikthye në Shqipëri, ndërsa po kurohej, por me gjithë trajtimet, ndërroi jetë paraditen e sotme në urgjencën e QSUT-së. Luan Hajdaraga ishte një figurë e njohur e politikës shqiptare.
Ai përpos postit të ish-ministrit të Mbrojtjes në një moment delikat në historinë e vendit, ka qenë edhe ish-deputet dhe nënkryetar i Partisë Socialiste për shumë vite. Redaksia e Report Tv dhe gazetës Shqiptarja.com i shprehin ngushëllimet familjes për humbjen e njeriut të shtrenjtë.
Edhe Partia Demokratike ka shpërndarë një mesazh ngushëllimi për familjen e Luan Hajdaragës, teksa thekson se “humbën një kundërshtar të denjë politik”, ndërsa PS ithtarin e europianizmit.
PD vlerëson se Hajdaraga ishte një kontribues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.
Mesazhi i plotë i PD:
Partia Demokratike shpreh ngushëllimet e saj më të thella për ndarjen nga jeta të Luan Hajdaragës, protagonist i zhvillimeve të së majtës shqiptare gjatë 28 viteve të fundit.
Hajdaraga ishte një kontribues i jetës politike pluraliste në Shqipëri dhe luajti një rol të rëndësishëm në formësimin e një të majte shqiptare, që mbështeste alternativën euroatlantiste.
Si nënkryetar i PS dhe më pas si Ministër i Mbrojtjes apo zëvendësministër i jashtëm, Profesori i njohur i psikologjisë dha kontribut në normalizimin e jetës politike në vend, në zbatimin e një diplomacie pa ndikime partiake dhe mori pjesë aktive në aksionin mbarëkombëtar për zgjidhjen e krizës së të shpërngulurve shqiptarë të Kosovës.
Me ndarjen e tij nga jeta, familja humbi njeriun e saj më të shtrenjtë, Partia Socialiste njërin nga ithtarët e evropianizimit të saj, kurse Partia Demokratike një kundërshtar të denjë politik.
Kryeministri Edi Rama ka përcjellë një mesazh ngushëllimi për ndarjen nga jeta të ish-ministrit të Mbrojtjes, Luan Hajdaraga. Rama shkruan se me trishtim kishte mësuar lajmin për ikjen e Hajdaragës, një burrë i paqtë dhe i arsyeshëm, sipas tij.
Postimi i Ramës:
I trishtuar për lajmin e ndarjes nga jeta të mikut tim Luan Hajdaraga; burrë i paqtë e i arsyeshëm që diti gjithnjë të mos prishë qejf me asnjë. U prehtë në paqe.
Deputeti i Partisë Socialiste, Erion Braçe është shprehur mjaft i prekur për largimin nga jeta të ish-ministrit të drejtësisë, Luan Hajdaraga. Braçe ka shpërndarë një foto të të ndjerit në rrjetet sociale, ku i ka dedikuar edhe disa fjalë prekëse.
(Foto e publikuar nga deputeti Erion Braçe)
“Nuk dua të të përcjell nesër Luan. Ishte bukur me ty si shok, mik, vëlla. Burra si ty përcillen në betejë, jo për t’u humbur,”- shkruan deputeti krahas fotos.
Hajdaraga ndërroi jetë mëngjesin e sotëm dhe ky lajm i hidhur ka prekur shumë figura të politikës shqiptare. Katër muaj më parë, ish-ministri i drejtësisë pësoi ishemi cerebrale.
Kryetari i Kuvendit, Gramoz Ruçi, i ka nisur një letër ngushëllimi familjes së Luan Hajdaragës, ish-ministrit të Mbrojtjes që u nda nga jeta ditën e sotme. Në letrën e tij, Ruçi shpreh ngushëllimet dhe konsideratën për Hajdaragën.
Mes të tjerash, kryeparlamentari shkruan: Luani, kolegu e miku im i shtrenjtë, i pazëvëndësueshëm . Hajdaraga, njeri i rrallë i arsimit, kulturës dhe interesit publik. Hajdaraga, kontribut si rrallëkush për të majtën shqiptare. Luan Hajdaraga, një legjislator i talentuar, model për dituritë, energjitë dhe shpirtmadhësinë e tij.
Letra e plotë:
Presidenti Ilir Meta ka reaguar pas ndarjes nga jeta të ish-Ministrit dhe ish-deputetit Luan Hajdaraga duke i shprehur ngushëllimet familjes. Meta shprehet se ‘Me dhembje të thellë mësova lajmin e ndarjes së parakohshme nga jeta të Luan Hajdaragës, mikut të vjetër dhe të dashur, ish-Ministër, ish-deputet dhe një nga personalitetet më në zë të Partisë Socialiste që në fillimet e saj’.
Mesazhi i Presidentit
Luan Hajdaraga shquhet për kontributin e tij të konsiderueshëm në Partinë Socialiste, në vitet e para të sfidave të saj gjatë fillimeve të demokracisë në Shqipëri por veçanërisht, si Ministër i Mbrojtjes dallohet kontributi i tij gjatë krizës së Kosovës në vitet ‘99 dhe bashkëpunimit me NATO-n dhe aleatët.
Luani mbetet një nga përkrahësit më të vendosur të integrimit të Shqipërisë në Bashkimin Evropian dhe si Ministër i ngarkuar i Punëve të Jashtme ai dha kontributin e tij të rëndësishëm në këtë proces.
Me humbjen e tij opinioni publik shqiptar humbi një nga analistët më në zë dhe objektivë të çështjeve të sigurisë, atyre të politikës së jashtme, por edhe të problemeve sociale për të cilat ai fliste me pasionin e tij të rinisë.
Familja e tij humbi para kohe një bashkëshort e baba të përkushtuar dhe të gjithë ne, një mik të dashur të cilin do ta kujtojmë gjithmonë me dashuri dhe respekt.
Komente
Lajme të tjera
-
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali ndodhet në intubim
24 Nëntor, 09:20 -
Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali
24 Nëntor, 09:15 -
Max Verstappen shpallet kampion bote në Formula 1, titulli i katërt në karrierë
24 Nëntor, 09:10 -
Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Lufta/ Netanyahu gati të tërheqë 320 mijë rezervistë! 1 i vrarë në zonën e ambasadës izraelite në Jordani! Gjendet trupi i rabinit Khogan, Katz: Terrorizëm antisemitik
24 Nëntor, 07:55 -
Dronë misteriozë shihen mbi 3 baza amerikane në Britani
24 Nëntor, 07:41 -
Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm
24 Nëntor, 07:35 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10
Njerez te ulet dhe injorante, te pashkolluar, llafazane dhe fshatare. Asgje nuk kishte te vertete ne tenderin e ushtrise per orizin, por Sali kellira u ve nofka te gjitheve, njelloj si tha per Nanon qe ajo ishte lufte politike. Profesor Hajdaraga do kujtohet me respekt nga koleget akademike dhe ish studentet e tij. I vetmi qe nuk u largua nga zyra gjate grushtit te shtetit 1998 ishte Hajdaraga qe dha nje kontribut te pacmuar dhe ne luften e kosoves kur Majko si idiot dhe legen qe eshte bente plazh tek kavalishenca. Po kush tua thote juve te mjereve keto gjera. U trehoq nga politika si zoteri dhe vazhdoi jeten akademike.
PërgjigjuBravo fredi kjo eshte me se e vertete, po kujt ti thuash? Nejse keta lugate qe duan te prishin imazhin e te ndjerit, shyqyr zotit jane nje % e vogel. Shpirt ligu kurr nuk behet shpirt mire, derisa te jete gjalle do vjelli vrer.
Mesova me dhimbje te thelle lajmin tejet te hidhur per humbjen e parakoheshme te z.Luan Hajdaraga. Si ish Zedhenese e M.Mrojtjes, ruaj respektin me te madh per Zotin Hajdaraga si Minister, si personalitet intelektual dhe njerezor me kapacitete te jashtezakoneshme drejtuese dhe menaxhuese. Humbje e madhe per miqte, shoket, per mendimin intelektual shqiptar. I perjetshem qofte emrin dhe kujtimi i Tij! Ngushellimet me te thella familjes.
PërgjigjuMe vjen keq sepse jete njeriu,dhe per te vdekurin nuk mund te komentohet ,vecse per mire.. Por dicka duhet te kuptojn politikanet dhe njerzit e tjere MOS VIDHNI E GRABISNI GJAKUN E NJERZVE SEPSE NE FUND ASNJE SDO MARI GJE ME VETE, PERVECSE NJE 1M2 DHE. Kurse per ata qe do le pas ka dy mundesi ose ti nderoj duke u mbajt mend per njeri i mire dhe korekt,ose per hajdut dhe zullumqar...
PërgjigjuNgushllime familjes, cdo njeri qe lind do i vije koha te vdesi,pa marre parasysh eshte politikan apo njeri i thjeshte. Mua me vjen keq per personat qe nuk kane fare rendesi ne politiken Shqiptare,vdesin e askush nuk i kujton.
Përgjigjungushellime familjes se tij te nderuar, lajm i keq vertet
PërgjigjuEdhe natyra po ben seleksionin e duhur. Ky profesori i ''nderuar'' e kishte fituar me zotesi te pashoqe ne ushtri nofken orizaga.
PërgjigjuLajm i hidhur sot...Ngushellime familjes per profesor Luanin. Mbetet nje nder figurat me te respektuara akademike e te politikes.
PërgjigjuRespekte pa fund per profesorin! Ngushellime familjes!
PërgjigjuRespekt pa fund per profesorin e nderuar, ngushellime te sinqerta familjes!
PërgjigjuPër profesorin që mori garuzhden e iu fut orizit të ushtrisë. Në këtë vend të gjithë kthehen në hajdutë.