PD nuk pranon rekomandimet
e OSBE/ODIHR për zgjedhjet

Partia Demokratike nuk pranon rekomandimet kryesore të OSBE/ODIHR për ndryshimin e ligjit zgjedhor.

Opozita konteston rekomandimin numër një të OSBE/ODIHR, për depolitizimin në të gjitha nivelet të komisioneve për administrimin e zgjedhjeve. Opozita refuzon lëshimin e komisionerëve partiakë, ndërsa propozon ndryshime të reja në Kodin Zgjedhor, për dekriminalizimin e procesit zgjedhor. Sipas opozitës, Kodi Zgjedhor duhet të përfshijë parashikime të reja për të parandaluar penetrimin e individëve në çdo nivel të administratës zgjedhore, deri tek niveli i numëruesit.

Kushti i dytë i rëndësishëm është votimi dhe numërimi elektronik, çka nuk reflektohet tek rekomandimet prioritare të OSBE/ODIHR. Po ashtu, Partia Demokratike propozon që financimi i partive politike dhe ai për zgjedhjet të jetë 100% nga buxheti i shtetit, ndërsa OSBE/ODIHR e vë theksin tek rishikimi i mekanizmave të kontrollit dhe transparencës së burimeve të financimit të partive politike. Po ashtu, PD kërkon që të rishikohet korniza ligjore që rregullon Policinë e Shtetit dhe rolin e saj në procesin zgjedhor. Ky propozim nuk parashikohet në rekomandimet e OSBE/ODIHR.

Po ashtu, opozita kërkon ashpërsimin e politikës penale në lidhje me krimet zgjedhore dhe rishikimin e kornizës ligjore që rregullon referendumet me qëllim garantimin efikas e të papenguar nga ligji apo vullnetet politike apo ekstraligjore e të drejtës për demokraci të drejtpërdrejtë. Dy propozimet nuk përputhen me OSBE/ODIHR. Po ashtu, opozita nuk ka një qëndrim të qartë sa i takon votës së emigrantëve.
 
Rekomandimet
Partia Demokratike nuk pranon rekomandimet kryesore të OSBE/ODIHR për ndryshimin e ligjit zgjedhor. Opozita konteston rekomandimin numër një të OSBE/ODIHR, për depolitizimin në të gjitha nivelet të komisioneve për administrimin e zgjedhjeve.

Redaksia Online
(B.K/Shqiptarja.com)

 

TAG:
• OSBE