PD për taksën e arsimin: Nga 17 ndërtuan 9 institucione arsimore! Skema PPP për shkollat e reja në Tiranë ka dështuar

Taksa e infrastrukturës arsimore që mblidhet nga Bashkia e Tiranës në faturën e ujit është keq përdorur. Akuza vjen nga Partia Demokratike sipas së cilës taksa e përkohshme në ligj parashikohej për 3 vjet, ndërsa ajo mblidhet prej 7 vjetësh.

Sipas PD skema e PPP për ndërtimin e shkollave ka dështuar ku nga 17 godina që pritej të ndërtoheshin janë përfunduar vetëm 9.

“Prej 7 vitesh në faturat tatimore të ujit është shtuar “taksa e përkohshme për infrastrukturën arsimore”. Në ‘fazën e parë’ Bashkia Tiranë mblodhi gati 45 milionë euro. Megjithëse ajo e shtyu afatin edhe për 3 vite të tjera (2023-2025), rezulton se dështoi të realizonte objektivin për ndërtimin e 17 shkollave, përmes një skeme të ‘Partneritetit Publik Privat’ (PPP). Kostoja e parashikuar për koncensionin e parë dhe të dytë PPP është gati 35 milionë euro. Ndërsa të ardhurat nga taksa në shtatë vitet e kaluara ishin gati 45 milion euro. Bazuar në listën e investimeve të Bashkisë Tiranë rezulton se nëpërmjet skemës PPP janë ndërtuar 9 shkolla, nga 17 që ishin parashikuar, të cilat kanë përfunduar të gjitha në vitin 2022, kur mbaroi edhe afati i parë i taksës së përkohshme. Pasojat e këtij dështimi janë mësimi me 2 dhe 3 turne në shkollat 9 vjeçare dhe të mesme”, thuhet nw deklaratën  e PD-së.

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Presidenti Biden tërhiqet nga gara: Çfarë ndodh tani?

Presidenti Biden tërhiqet nga gara: Çfarë ndodh tani?