PD pret afatin e fundit, i drejtohet të dielën KAS për ankimimin e rezultatit të zgjedhjeve në 9 qarqe

Partia Demokratike do të presë ditën e fundit të afatit të ankimimeve, për të dërguar pranë Komisionit Qendror të Zgjedhjeve ankimimin për procesin zgjedhor në 9 qarqe të vendit.

Burime nga selia blu thotë se PD do t'i drejtohet të dielën KAS për të kërkuar shpalljen të pavlefshëm të rezultatit të zgjedhjeve të 25 prillit për Kukësin, Durrësin, Tiranën, Elbasanin, Fierin, Beratin, Gjirokastrën, Korçën dhe Vlorën, ndërsa mësohet se demokratët nuk do të kontestojnë rezultatin për Shkodrën, Dibrën dhe Lezhën, qarqe ku PD pati epërsi mbi Partinë Socialiste.

Demokratët kanë grumbulluar shkeljet në procesin zgjedhor në një dosje, të cilat sipas tyre përbëjnë indicie të mjaftueshme për të provuar tjetërsimin e vullnetit të qytetarëve në zgjedhje nga mazhoranca, nëpërmjet shitblerjes së votës apo përdorimit të presionit administratës publike për të votuar socialistët.

E para që iu drejtuar KAS për ankimimin e rezultatit të zgjedhjeve në Bashkinë Dropull për Qarkun e Gjirokastrës ishte LSI, e cila shprehet se vendimi për 'karantinim të detyrueshëm', për një periudhë dy javore për të gjithë shtetasit që hyjnë në Shqipëri nga Maqedonia e Veriut dhe nga Greqia ka ndikuar drejtpërdrejt në pjesëmarrjen dhe rezultatin e votimit në zonën zgjedhje Qarku Gjirokastër për kandidatin e saj. Ky orientim u pa qartë sipas LSI, me anulimin me datë 3 muaj 2021 të këtij urdhri, pak ditë pas mbarimit të zgjedhjeve.

Lajmi kryesor:

'Padia' e parë në KQZ për 25 prillin, LSI kërkon shpalljen të pavlefshme të zgjedhjeve në Bashkinë Dropull, ankimon rezultatin në Qarkun e Gjirokastrës: Na penalizoi karantina për emigrantët

TAG:
• LSI
• PD
• Gjirokaster
• zgjedhjet parlamentare 2021
• Ankime per 25 prillin