POP 5

Lajmet më të lexuara të 5 minutave të fundit

Politikë

PD pret mazhorancën të zgjidhë ngërçin në 'Zgjedhore', Biberaj: S'ka garë pa riformatim të KQZ

Mazhoranca është e vetmja që mund të zgjidhë ngërçin e krijuar për reformën zgjedhore. Është ky qëndrimi i ish deputetit të Partisë Demokratike Aleksandër Biberaj. Në një intervistë për Report Tv, ai nënvizon se opozita jashtë parlamentit, kërkon vetëm garanci për zgjedhje të lira dhe të ndershme dhe jo tendera për blerjen e pajisjeve elektronike për zgjedhjet.

Paqartësitë që ka mazhoranca ndaj propozimeve të opozitës nuk janë bindëse për ish deputetin Aleksandër Biberaj. Kërkesat për riformatimin e KQZ, të artikuluara në dy propozime  brenda pak ditësh, për Partinë Demokratike janë një tjetër garanci për zgjedhje të lira dhe të ndershme.

“Kur bëhet fjalë për Reformë Zgjedhore nuk mund të nënkuptojmë një reformë të plotë pa riformatimin e KQZ, i cili në fakt është Komiteti Qendror i Zgjedhjeve i Partisë Socialiste, apo i Rilindjes.  Nuk po kërkojmë asgjë që nuk na takon, por garanci për zgjedhjet dhe kemi parasysh që KQZ është një organ shumë i rëndësishëm kushtetues që bën menaxhimin e procesit”, tha Biberaj.

Por nëse kërkesat e saj nuk do të merren parasysh ish deputeti i  Partisë Demokratike Aleksandër Biberaj ka një plan B.

“Kemi një presion të jashtëzakonshëm nga anëtarësia e Partisë Demokratike, militantët, qytetarët, opozita në përgjithësi sepse situata është shumë e keqe. Kemi një presion për protesta dhe manifestime", tha Biberaj.

Pas dakordësisë për të shtrirë identifikimin biometrik në të gjithë territorin, duket se opozita kërkon të autorizojë KQZ e re për prokurimin e blerjeve të pajisjeve elektronike. Specifikisht përgjegjës për tenderin të jetë nënkomisioneri, i cili sipas marrëveshjes së 5 qershorit i takon si propozim ekskluziv opozitës jashtëparlamentare. Por për Aleksandër Biberaj, është mazhoranca ajo që e ka mendjen te tenderat.

“Ne kërkojmë garanci kushtetuese dhe në rastin e certifikimit të identifikimit biometrik. Me tendera merret qeveria pastaj, që i bën natën, brenda 24 orëve", tha Biberaj.

Për sa i përket qeverisë tranzitore, Biberaj thotë se ishte një tërheqje taktike, për të cilën paralajmëron se do të grumbullojë energjinë e debatit në një moment të dytë.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BIBILJA: 18/06/2020 17:51

    O bibile ça bur je ti mor bibile po ti sje bur se të përzun njëher e tani zhgaravitesh që mos të lëpish ndonjë kock. Bur leshi bibile përsheshi.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34