PD-PS: Protestat, jo lidhje me terrorizmin
Deputetët e mazhorancës dhe opozitës gjatë debateve të ditës së djeshme për nenin që ka të bëjë me terrorizmin në Kodin Penal kanë rënë dakord se nuk kanë lidhje protestat me sfond politik me elementët e terrorimit. Konsensusi u arrit pas debateve dhe ndërprerjes së punës së Komisionit të Ligjeve përmbi një orë.
Komisioni i Ligjeve ka miratuar ndryshimet në Kodin Penal për terrorizmin. Me këmbënguljen e opozitën është rënë dakord ndryshimi i nenit 230, pika 2 ku çdo vepër që provokon gjendje tmerri në publik, si dhe protesta e 21 janarit të mos cilësohet vepër penale me qëllim terrorizmi ashtu siç propozohej në variantin e qeverisë. Por jo gjithçka ka nisur vaj për Komisionin e Ligjeve, ditën e djeshme ku deputetët e të dyja palëve janë përfshirë në një debat të fortë, që ka sjellë më pas dhe ndërprerjen e seancën për gati një orë. Ku vetëm pas konsumimit të kafesë në mënyrë kolektive nga të gjithë anëtarët, brenda ambientit të Komisionit, është bërë e mundur ulja e nervave dhe qetësia e palëve. Vonesa me 45 minuta e anëtarëve të opozitës në Komisionin e Ligjeve, ndezi debatin mes palëve, çka detyroi kryetarin Ilir Rusmali të ndërpriste mbledhjen për rreth një orë, për të mos vënë në rrezik kompromisin që kërkojnë ligjet me shumicë të cilësuar. Që në fillim ka qënë kreu i këtij Komisioni, Rusmali, ai i cili në mënyrë ironike u është drejtuar deputetëve socialistë në Komision që të lejojnë deputeten Felaj që të shpjegojë ndryshimet në Kod për terrorizmin.
"Lejojeni relatoren të marrë fjalën dhe të shpjegojë ndryshimet", kërkoi Rusmali në mbledhjen e Komisionit. Por fjala e tij është ndërprerë nga ana e nënkryetarit të "Ligjeve", deputeti socialist Fatmir Xhafaj, i cili ka ironizuar me faktin se deputetët demokratë janë anëtarë në dy tre komisione të përhershme parlamentare. "Ju punoni me turne, por ne nuk jemi me turne. Nuk është faji ynë që ju jeni deputetë me turne, sepse jeni deputetë që merrni nga tre komisione", deklaroi Xhafaj në mbledhjen e Komisionit. Pasi konsumuan kafen pa mediat në sallë, gjithçka nisi qetësisht dhe diskutimi për ndryshimet në Kodin Penal vijoi në terma teknike I pandikuar nga qëndrimet politike. Relatorja e këtyre ndryshimeve në Kodin Penal, në nenin për terrorizminka shpjeguar të gjitha termat e ndryshuar, teksa tha se grupi i punës kishte rënë dakord gjatë orëve të vona të një dite më parë dhe qeveria hoqi dorë nga përfshirja e nenit, që I cilësonte protestat e motivuara politikisht, si veprimtari terroriste. "Për paragrafin për të cilin ne patëm një debat dje dhe nuk arritëm një konsensus, pati një propozim nga Ministria e Drejtësisë që tek vepra me qëllime terroriste të hiqnim paragrafin e parë ku jepet përkufizmi i veprave. Pas diskutimit, arritëm në mendimin që ky propozim duhet të lihet ashtu sikurse është në Kodin Penal actual se nuk mjaftonte që vetëm duke vënë anën objektive të veprës penale, veprave me qëllime terroriste ne të kishim ezauruar këtë si vepër. Pra thjesht dhënien e veprës objective pa u shoqëruar me qëllimet nuk do mjaftonte për të qenë fare vepër penale. Janë elementë përbërës të veprës penale dhe duhet të parashihen në Kodin Penal. Besoj se të gjithë bini dakort që Kodi duhet të sqarojë se kush konsiderohen vepra të tilla, se kush janë qëllimet terroriste", ka argumentuar relatorja e ligjit, deputetja e PS, Felaj. Ndërkaq komisioni ka rënë dakord që pastrimi i parave të cilësohet vepër penale. Në mbledhjen e ardhshme Komisioni do diskutojë amendamentet për dhunën në familje.
(aq/shqiptarja.com)
Sondazhi i ditës:
Si e vlerësoni funksionimin e Gjykatave dhe Prokurorive në qarqe?
-
Mirë
24.5%
-
Keq
61.4%
-
Nuk e di
14%
Vota total: 1154
Lajme të tjera
-
SHBA paketë e re ndihme afatgjatë për Ukrainën, 1 miliardë vetëm për mbrojtjen ajrore dhe artilerinë
26 Prill, 19:43
-
Gaza/ Mbi 34 mijë palestinezë të vrarë e 77 mijë të plagosur që nga fillimi i luftës
26 Prill, 19:36
-
Dritëhijet e amnistisë! Vonesa prej magjistratëve dhe mungesa e listës zyrtare nga burgjet, ILD nis verifikimet
26 Prill, 19:35
-
FOTO/ Makina përmbys, aksidentohet ministri izraelit
26 Prill, 19:34
-
Lajmi se bashkëshorti i ministres goditi me thikë drejtorin, reagon Delina Ibrahimaj: Ja si qëndron e vërteta
26 Prill, 19:19
-
Jakin Marena: ‘Mistreci’ i vogël Albin, ‘vëllai’ i madh Rama dhe shqiptarët në RMV
26 Prill, 19:11
-
TEC në tokë bujqësore? Këshilli bashkiak i Roskovecit miraton planin që i hap rrugë ndërtimit, banorët kundërshtojnë
26 Prill, 19:08
-
Takimet me diasporën, Blendi Klosi: Fokusi tek rienergjizimi i PS! Nisim nga Athina më 12 maj
26 Prill, 19:00
-
Ndryshimet klimatike, ekspertja në 'Studio Live': Shqipëria preket më shumë se çdo vend i Europës
26 Prill, 18:41
-
Ambasadori i Rusisë në Tiranë largohet nga Shqipëria, ja kush e zëvendëson
26 Prill, 18:29
-
Franca dhe Gjermania arrijnë marrëveshje për “tanket e së ardhmes”
26 Prill, 18:03
-
Dritan Hila: Pse Micotaqis duhet ta pranojë dorën e shtrirë të Ramës!
26 Prill, 17:56