PD:Rama me avion privat në Kinë
Kryeministria:Vizita pa shpenzime

TIRANE - Partia Demokratike akuzoi kryeministrin Edi Rama se ka udhëtuar drejt Kinës me një avioni privat, e ndërsa e cilëson këtë si  skandal korruptiv. Kryetari i grupit parlamentar demokrat, Edi Paloka tha se fluturimi i shtrenjë është një abuzim me fondet publike nëse është paguar nga taksat e shtetit. Por kryeministria ka hedhur poshte pretendimet e te djatheve, duke deklaruar se udhetimi i Rames dhe delegacionit ne Kine, eshte organizuar me mbeshtetjen e ambasades kineze.
 
“Paraqitja e tij në një samit të rëndësishëm, në shkelje të cdo etike, si një baron droge, është skandali më i vogël që ka bërë Edi Rama në dy ditët e fundit.  Ky është një abuzim financiar, kompromentim dhe korrupsion i pastër. Kapardisja prej baroni dhe fluturimi luksoz i Edi Ramës, nuk kanë asgjë të përbashkët me nevojat dhe kërkesat e vendit dhe të qytetarëve.  Bizneset po mbyllen se nuk paguajnë dot taksat. Mijëra vende pune po shkurtohen cdo ditë. Çmimet po rriten cdo ditë. Varfëria dhe pamundësia po godasin tavolinat dhe xhepat e shqiptarëve”, deklaroi Paloka.