POP 5

Lajmet më të lexuara të 5 minutave të fundit

Politikë

PD: Rama shpjegime pse drejtori i
Ujësjellësit të Patosit ndryshoi emë

Partia Demokratike, në një dalje për mediat, ka kërkuar nga qeveria transparencë për emërimin e drejtorit të Ujësjellësit në Patos. Koordinatorja e PD për mediat, Silvi Bardhi tha se qeveria duhet të tregojë se pse drejtori i Ujësjellësit ka ndryshuar emër si dhe cilat janë kriteret e përzgjedhjes së tij.
PD: Rama shpjegime pse drejtori i<br />Ujësjellësit të Patosit ndryshoi emë
TIRANE - Partia Demokratike, në një dalje për mediat, ka kërkuar nga qeveria transparencë për emërimin e drejtorit të Ujësjellësit në Patos.
 
Koordinatorja e PD për mediat, Silvi Bardhi tha se qeveria duhet të tregojë se pse drejtori i Ujësjellësit ka ndryshuar emër si dhe cilat janë kriteret e përzgjedhjes së tij.
 
“Partia Demokratike kërkoi ditë më parë një shpjegim nga Kryeministri Edi Rama për emërimin e dyshimtë të Drejtorit të Ujësjellësit të Patosit. Por kaluan 6 ditë dhe Rama nuk dha asnjë përgjigje për emërimin e tij flagrant.  Ndaj, sërish sot, ne po i drejtojmë të njëjtat pyetje kryeministrit. z.Rama cili është kriteri i ndjekur në emërimin e Drejtorit të Ujësjellësit të Patosit?  z.Rama, pse drejtori i Ujësjellësit të Patosit, ka ndryshuar emrin? A e ka ndryshuar emrin, sepse ka pasur probleme me drejtësinë greke?  z.Rama, sa vite burg për trafik droge ka bërë në Greqi, drejtori juaj i ujësjellësit në Patos?  Cili është kumbari politik i drejtorit të ujësjellësit, që ka ndërhyrë tek ju për këtë emërim?  Partia Demokratike është në pritje të përgjigjes nga kreu i qeverisë, për të bërë transparencën e emërimeve të tij në krye të institucioneve që duhet t’u shërbejnë qytetarëve dhe jo interesave kriminale e politike.” u shpreh Bardhi

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Britania miraton ligjin për eutanazinë, me shumicë votash

Britania miraton ligjin për eutanazinë, me shumicë votash

29 Nëntor, 22:32