POP 5

Lajmet më të lexuara të 5 minutave të fundit

Politikë

PD: "Rama të sqarojë akuzat e
Thimios", PS: "Janë përralla"

Mazhoranca dhe opozit a kanë replikuar lidhur me dëshminë e Gjergji Thimio I cili akuzohet për vjedhjen e disa veprave të artit . Sipas PD, dëshmia e Thimio, tregon implikim të kryeministrit Rama në vjedhjen e tyre, ndërsa kërkuan hetime nga prokuroria. Ndërkohë PS ka reaguar duke i cilësuar akuzat e opozitës si përralla.
PD: Thimios", PS: "Janë përralla"">
TIRANE - Mazhoranca dhe opozit a kanë replikuar lidhur me dëshminë e Gjergji Thimio I cili akuzohet për vjedhjen e disa veprave të artit . Sipas PD, dëshmia e Thimio, tregon implikim të kryeministrit Rama në vjedhjen e tyre, ndërsa kërkuan hetime nga prokuroria. Ndërkohë PS ka reaguar duke i cilësuar akuzat e opozitës si përralla.

PD: RAMA TE SQAROJE AKUZAT E THIMIOS

Partia Demokratike në një dalje për mediat, i ka kërkuar Prokurorisë të nisë hetimet për akuzat e Gjergji Thimios në sallën e gjyqit, i cili deklaroi se pjesë nga koleksioni i tij kanë humbur në inventarin e pikturave dhe ikonave duke akuzuar Ramën dhe Kokëdhimën për vjedhjen e tyre.

Deputeti i PD, Aldo Bumçi tha se kryeministri Rama ka kërkuar një pikturë të rrallë të Onufrit me vlerë 1 milion euro për këshilltarin e tij Toni Blair. Sipas Bumçit, prokuroria duhet të hetojë këtë akuzë, për të zbardhur këtë ngjarje.

“Gjergji Thimio u shpreh se deputeti Kokëdhima dhe Artan Lame kërkuan për kryeministrin Edi Rama një pikturë të rrallë të Onufrit me vlerë 1 milionë euro për këshilltarin e tij Toni Blair.  Koleksionisti Thimio deklaroi se pjesë nga koleksioni i tij kanë humbur në inventarin e pikturave dhe ikonave duke akuzuar Ramën dhe Kokëdhimën për vjedhjen e tyre dhe inskenimin e arrestimit të tij për këtë qëllim. Dëshmia e Gjergji Thimios merr vlerë pasi ishte një fakt botërisht i njohur që ai kishte në koleksionin e tij piktura dhe vepra të rralla. Ende sot nuk ka një sqarim zyrtar se çka ndodhur me këtë inventar si dhe numrin e veprave të sekustruar, numër i cili ka ndryshuar vazhdimisht. Partia Demokratike i kërkon Prokurorisë të nisë menjëherë hetimet për këtë akuzë të Gjergji Thimios dhe të hetojë dëshminë e dhënë përpara trupit gjyqësor.” tha Bumçi

PS: PERRALLA, OPOZITA BALTE MBI TONY BLAIR

Partia Socialiste ka reaguar lidhur me akuzat e opozitës që kërkuan hetim nga prokuroria sipas së cilës kryeministri Rama ka blerë një pikturë të Onufrit me vlerë 1 milionë euro për t’ia dhuruar ish kryeministrit britanik Tony Blair. Deputetja e PS Blerina Gjylameti dënoi implikimin e emrit të Tony Blair në akuzat e opozitës të cilat i cilësoi si përralla.

“Që opozita nuk e kurseu as ish kryeministrin britanik, mikun e shqiptarëve dhe Kosovës, Tony Blair, për të hedhur baltë mbi qeverinë, këtë e pamë që disa ditë më parë. Por që baltosja e ish kryeministrit britanik do të dilte edhe nga goja e një ish ministri të jashtëm si Aldo Bumçi, është edhe më e rëndë. Trafikanti i veprave të artit tenton t’i shpëtojë ndëshkimit duke treguar përralla. Opozita, kapet pas përrallave të trafikantit, njësoj si një i mbytur që kapet pas fijes së barit me shpresën se mund të shpëtojë.” tha Gjylameti


Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51