POP 5

Lajmet më të lexuara të 5 minutave të fundit

Politikë

PD sulmon kandidatin e Berishës për Dibrën: Premtim Kryemadhi bashkëshorti i prokurores që mbrojti bandën e Edi Ramës në dosjen 184! Sqaron komunikimin e Nokës me Manjën

Partia Demokratike ka sulmuar kandidatin e Sali Berishës për bashkinë e Dibrës, Premtim Kryemadhin, të cilin e akuzon si pjesë e skemës së bashkëpunimit Rama-Meta-Berisha. PD thotë se Krymadhi është bashkëshorti i Belina Zenelit, e cila u shkarkuar pak ditë më parë nga ILD, pasi ju gjetën shkelje kryerjen e detyrës.

Partia Demokratike ka sulmuar kandidatin e Sali Berishës për bashkinë e Dibrës, Premtim Kryemadhin, të cilin e akuzon si pjesë e skemës së bashkëpunimit Rama-Meta-Berisha. PD thotë se Krymadhi është bashkëshorti i Belina Zenelit, e cila u shkarkua pak ditë më parë nga KLP, pasi ju gjetën shkelje në kryerjen e detyrës. Sipas PD-së, bashkëshortja e Kryemadhit, mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, dhe kjo për PD-në është poshtërsi dhe tallje me dibranët dhe demokratët dibranë që masakrën zgjedhore e provuan të parët në 2016.

PD thekson se Premtim Kryemadhin nuk e lidh asgjë me PD-në dhe por përzgjedhja e tij sqaron më së miri komunikimin privat të Flamur Nokës me Ulsi Manjën, ndërsa shton se nëse bashkëshortja e Kryemadhit  do të hetonte dosjen 184, Ulsi Manja do ishte në burg.

‘Kandidati i Dibrës është poshtërimi që Berisha iu bën demokratëve.  Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është poshtërsi dhe tallje me dibranët dhe demokratët dibranë që masakrën zgjedhore e provuan të parët në 2016.

Premtim Kryemadhin nuk e lidh asgjë me demokratët, por përzgjedhja e tij sqaron më së miri komunikimin privat të Flamur Nokës me Ulsi Manjën. Nëse bashkëshortja e Kryemadhit  do të hetonte dosjen 184, Ulsi Manja do ishte në burg.

Tashmë skema e bashkëpunimit Rama-Meta-Berisha është e qartë për çdo shqiptarë. Po zgjodhe Sali Berishën e  Ilir Metën mban Edi Ramën. Nëse zgjedh Edi Ramën mban Sali Berishën dhe Ilir Metën.’- shkruan PD.

Këshilli i Lartë i Prokurorisë (KLP) ka shkarkuar nga detyra prokuroren e Dibrës Belina Zeneli, pas kërkesës së Inspektorit të Lartë të Drejtësisë (ILD).

Më 20 janar, Inspektori i Lartë i Drejtësisë kërkoi shkarkimin e Zenelit, duke e akuzuar se ka zvarritur 10 çështje gjyqësore dhe ka cenuar besimin te drejtësia. Sipas ILD, Zeneli ka zvarritur hetimet paraprake duke mos i kryer veprimet hetimore në kohë dhe në dinamikë për periudha të gjata kohore të gjata, tej afateve procedurale dhe pa pasur arsye ligjore.

ILD argumentoi në kërkesën e saj se nga veprimet e prokurores Belina Zeneli, nuk i janë dhënë zgjidhje ligjore 33  procedimeve penale, si dhe nuk është kryer asnjë veprim verifikimi në lidhje me 300 kallëzime.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46