PD:Taksa 10 € e Ramës për rrugën
e Kombit korruptive, do e anulojmë

Partia Demokratike e konsideron taksën për rrugën e Kombit sit ë papërballueshme për qytetarët, ndërkohë që ka shtuar se kjo taksë është një skandal, pasi ajo nuk duhet ta kalonte vlerën e 2.8 eurove.

Përmes deputetes Jorida Tabaku Partia Demokratike thotë se, kryeministri Edi Rama e ka caktuar vetë tarifën 5 euro pa bërë më parë një analizë të plotë, ndërkohë që ka premtuar se do të anulojë këtë koncension të dyshimtë, siç e ka quajtur ajo, koncensionin e rrugës së Kombit.

Ja deklarata e plotë e Partisë Demokratike
Edi Rama ka vendosur një taksë të re e të rëndë mbi shqiptarët, duke u marrë 10 euro për çdo udhëtim në Rrugën e Kombit.
10 euro, para që do të merren nga xhepat e lodhur e të varfër të qytetarëve të vendit.
5 euro në vajtje e 5 euro në kthim.
Ky skandal thellohet edhe më shumë, kur del në pah se qeveria ka vendosur këtë nivel takse, 33 përqind më të lartë se niveli maksimal që kanë sugjeruar ekspertët.
Sipas strategjisë, pagesa për rrugën e Kombit duhet të varionte nga 0,5-3.5 cent/km. Për 114 km nga Miloti në Morinë pagesa e përballueshme për veturat duhet të ishte nga 0.57-3,99 Euro për të gjithë gjatësinë e rrugës. Në rast se pagesa do të zhvendoset në Rrëshen atëherë totali nuk duhet të kalojë 2,8 Euro për të gjithë distancën.
Mirëpo Edi Rama e caktoi 5 Euro! Të paktën 33% më shumë se cmimi i maksimal sugjeruar nga ekspertët!
Një aferë e pastër me miliona euro cdo vit, një barrë e re e vendosur në kurrizin e shqiptarëve, sipas skemës së qeverisë për 30 vite me radhë, në emër të mirëmbajtjes së rrugës, kjo, shtuar subvencionit prej 5,6 milionë euro cdo vit që do të japë shteti.
Po taksa e qarkullimit që është rritur në dy vjet me 240 lekë, për cfarë përdoret në një kohë që mirëmbajtja e rrugëve është në minimumin historik?!
Përpara se të merrej ky vendim duhej bërë një analizë e plotë, shterruese dhe shumë serioze e kosto-përfitimeve, një analizë e plotë e impaktit ekonomik, një analizë e plotë e impaktit në turizëm, kur dihet se turistët nga Kosova mbizotërojnë në plazhet Shqiptare.
Partia Demokratike i siguron qytetarët shqiptarë se do ta anullojë këtë koncesion të dyshimtë, këtë taksë të papërballueshme për jetën e tyre.

Redaksia Online
(F.T/shqiptarja.com)