POP 5

Lajmet më të lexuara të 5 minutave të fundit

Politikë

PDIU: Refuzimi i statusit për
shkak të kapriçove politike

Në një deklaratë për mediat Partia Drejtësi, Integrim dhe Unitet ka shprehur keqardhjen për mosmarrjen e statusit, sipas kësaj partie për shkak të kapriçove politike. PDIU shprehet se mosmarrëveshjet e brendshme janë ato që kanë frenuar integrimin europian.
TIRANE - Në një deklaratë për mediat Partia Drejtësi, Integrim dhe Unitet ka shprehur keqardhjen për mosmarrjen e statusit, sipas kësaj partie për shkak të kapriçove politike. PDIU shprehet se mosmarrëveshjet e brendshme janë ato që kanë frenuar integrimin europian.


DEKLARATA E PLOTE
“Partia Drejtësi, Integrim dhe Unitet shpreh keqardhjen më të madhe që për shkak të kapriçove politike, Shqipëria edhe këtë herë nuk mundi të nisi rrugën e saj zyrtare, për të qenë pjesë e Europës. Me gjithë mbështetjen e dhënë nga faktori ndërkombëtar, janë mosmarrëveshjet e brendshme, ato të cilat kanë frenuar rrugën europiane të Shqipërisë.
Ky lajm i keq vjen pikërisht në kohën kur 22 vjet më parë mijëra të rinj shqiptar rrëzuan komunizimin me ëndrrën e madhe për ta parë Shqipërinë si gjithë Europa. Por kjo ëndërr ende nuk po realizohet.
PDIU ribënë dhe një herë thirrjen e saj, tashmë të njohur prej muajsh, për mbledhjen e një tryeze të të gjithë partive politike, për të arritur në një zgjidhje të këtij ngërçi të krijuar, në mënyrë që shqiptarët të jenë të barabartë përkrah të gjithë shteteve të tjera, aty ku realisht e kanë vendin.
Mosplotësimi i 3 kushteve të vendosura nga Bashkimi Europian, solli që Komisioni Europian të heshti për Shqipërinë duke e lënë “topin në fushën tonë”. Tashmë na takon ne, si përfaqësues të zgjedhur të popullit, që të tregojmë se mbi gjithçka tjetër, duhet të vendosim Shqipërinë dhe të ardhmen e saj.
Si 100 vite më parë, duhet t’i tregojmë të gjithë kombit tonë dhe botës se ky vend ka njerëz të aftë që mendojnë dhe punojnë për të mirën e këtij vendi.
Le të shërbejnë si frymëzim për të gjithë vargjet e të madhit Pashko Vasa se : “për ne shqiptarët dielli lind andej nga perëndon”, për të treguar dhe një herë lidhjen shpirtërore dhe historike me Europën, jo vetëm atë gjeografike”.

(eç/shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

25 Janar, 22:57