PD-ja bën 'gjyqin' për përgjimet: Ja sa vite duhet të dënohen Rama, Gjiknuri dhe të tjerët

Një ditë pas daljes së përgjimeve të reja nga 'Bild', sekretari i përgjithshëm i PD-së, Gazment Bardhi, ish-deputeti Alibeaj dhe sekretari për cështjet ligjore Çlirim Gjata kanë dalë para medieve duke vijuar akuzat kundër kryeministrit dhe personave të tjerë që dëgjohen në bisedat e zbardhura, ndërsa kanë treguar edhe sa vite rrezikojnë sipas tyre. Bardhi deklaroi se Edi Rama dhe socialistët e tjerë duhet të dënohen me burg, sipas tyre për krimet elektorale në Dibër dhe Durrës. 

"Përgjimet janë radiografia e vjedhjes së zgjedhjeve. Durrësi dhe Dibra janë dy krime elektorale që tregojnë se Edi Rama di vetëm të vjedhë. Përgjimet faktojnë se vjedhja e zgjedhjeve në bashkëpunim me krimin tregon se është ngritur nga Rama. Kanë vepruar si grup i strukturuar kriminal. Damian Gjiknuri, Manja, Dako, Artan Gaçi, Arben Keshi dhe personat e tjerë janë të pa ndëshkuar nga drejtësia, të gjithë janë shpërblyer nga Rama.

Në vend që Ndreu të ishte para drejtësisë, është promovuar si kandidat në Lezhë. Në vend që Dako të ishte në burg, po gëzon pension të qetë politik. Duhet të ishte dënuar me burg Edi Rama dhe kriminelët e tjerë. Prokuroria nuk ka thirrur asnjëherë një politikan që qytetarët e kanë dëgjuar. Nuk mund të ketë zgjedhje me Ramën kryeministër" tha Bardhi.

LEXO EDHE:
Spahiu: Dy ngjarjet e zeza në 2024 ishin marrëveshja PS-PD dhe vdekja e Ismail Kadaresë

Enkelejd Alibeaj tha se Edi Rama dhe zyrtari Arben Keshi që janë kapur nga përgjimet duke biseduar për zgjedhjet dënohen nga Kodi Penal nga 1-3 vite burg për influencim në zgjedhje. "Përgjimi ku Edi Rama bisedon me Arben Keshin dhe më pas ai jep porositë e paligjshme për votat është shkelje e Kodit Penal 328/a parashikon ndalimin e përdorimit të një punonjësi që kryen një detyrë shtetërore qe e përdor, është kryeministri i vendit, funksionari më i lartë që përdor burime njerëzore me qëllim favorimizin e partisë së tij në zgjedhje.

Kjo vepër dënohet me burg nga 1 në 3 vjet. Rama përdor një drejtor në ministrinë ë brendshme për votat e partisë së tij. Ky nen është totalisht i konsumuar nga shtetasi Edi Rama dhe shtetasi Arben Keshi" tha ai. Përsa i përket përgjimeve ku flitet për blerje votash, ai tha se 'Ka nen penal që dënon dhënien e parave për votë. Duhet të dënohet 1 deri 5 vjet burgim. Në përgjim duket qartë se zyrtari ofron para në këmbim të votës'. Një tjetër përgjim i zbardhur dje ishte ai me Arben Keshit dhe Sali Skurës, shefit të komisariatit të Kamzës.

"Drejtori i policisë i tregon atij që duhej të arrinte objektivat se kemi bllokuar nja 7 autobusë, me miqësi kemi ndaluar për të shkuar. Kemi nenin 328/a parashikon përdorimin e funksionarëve shtetërore për të penguar zgjedhësit të ushtrojnë të drejtën e votës, nga 1 deri 3 vjet burg. Ky është tjetër episod i konsumimit të këtij neni" tha Alibeaj.

TAG:
• edi rama
• enkelejd alibeaj
• gazmend bardhi
• Çlirim Gjata
• Pergjimet e Bild per Dibren

Sondazhi i ditës:

Si e vlerësoni punën e qeverisë gjatë vitit 2024?

• Pozitivisht

  63.3%

• Negativisht

  28.5%

• Nuk kam mendim

  8.2%

Vota total: 1841

Votat totale janë unike

• Sondazhi i ditës:

  Si e vlerësoni punën e qeverisë gjatë vitit 2024?

  Pozitivisht Negativisht Nuk kam mendim