PDK: Kurti në vend që të luftojë pandeminë, merr pjesë në fushatën elektorale në Shqipëri

Kreu i grupit parlamentar i PDK-së Abelard Tahiri, ka theksuar se kryeministri i Kosovës në vend që të merret me pandeminë si pasojë e së cilës kanë humbur jetën vetëm në 20 ditët e fundit, 212 qytetarë ka zgjedhur që së bashku me stafin e tij të thyejë masat kufizuese dhe të marrë pjesë në fushatën elektorale në Shqipëri.

“E vetmja gjë që Kryeministri Kurti ka ndërmarrë deri më tash – ka qenë një urdhër për izolim për qytetarët e Kosovës, përderisa ministrat dhe deputetët e partisë së tij kanë çarë rrethimin dhe kanë dalë në Shqipëri për të bërë fushatë zgjedhore. Kryeministri Kurti është vaksinuar vetë dhe ai ndihet komod me faktin se i ka pranuar 25 mijë vaksina donacion – një ndihmë kjo e siguruar nga Qeveria e kaluar, por nuk ka bërë asnjë hap për të siguruar edhe qindra mijëra vaksina të tjera që u duhen më shumë se kurrë qytetarëve të Kosovës”, ka thënë Tahiri.

LEXO EDHE:
Mero Baze: Defaktorizimi i shqiptarëve në Maqedoni për tu faktorizuar Albini

Sipas tij, Qeveria Kurti ende nuk ka dhënë asnjë shenjë se është në shërbim të qytetarëve.  

Lajmi kryesor:

Kreu i LDK-së, Abdixhiku kritikon ashpër Kurtin: Marrja me zgjedhjet e protestat në Shqipëri tregon papjekuri! Kosova në krizë ekonomike, ti je opozitë në fushatën e një shteti tjetër

TAG:
• shqiperia
• kosove
• Albin Kurti
• LDK
• zgjedhjet parlamentare 2021
• Lumir Abdixhiku