TIRANE- Një javë pas publikimit të raportit përfundimtar të OSBE/ODIHR për zgjedhjet vendore të 21 qershorit, Parlamenti Europian diskutoi dje gjetjet e dokumentit. Komisioni i Jashtëm i PE, shqyrtoi gjatë diskutimeve të djeshme të dhënat e raportit, por një vëmendje të rëndësishme i kushtoi edhe procesit të dekriminalizimit.

Pjesëmarrëse në këtë takim ishte Audrey Glover, kryesuese e vëzhguesve të OSBE/ODIHR dhe ambasadorja e BE-së në Tiranë, Romana Vlahutin. Kryevëzhguesja e ODIHR, Glover u shpreh se këto zgjedhje u dominuan nga akuzat e ndërsjella të partive politike për blerjen e votave, ndërsa u vërejt mungesë transparence për financat e partive, duke konstatuar se partitë përdorën edhe fondet publike. “Akuzat për blerje votash vazhduan edhe në këto zgjedhje duke përfshirë të gjitha partitë kryesore.