POP 5

Lajmet më të lexuara të 5 minutave të fundit

Politikë

Peleshi për aksionin e policisë në kampin e MEK: Nuk do lejojmë krijimin e ‘ishujve të vegjël’ ku shkelet ligji shqiptar

Ministri i Mbrojtjes, Niko Peleshi në reagimin e tij lidhur me aksionin e policisë në kampin e MEK në Manzë, shprehu mbështetjen e plotë të tij mbi sjelljen e policisë gjatë kontrolleve ndaj muxhahedinëve.

Ministri i Mbrojtjes Niko Peleshi ka folur sot për herë të parë lidhur me aksionin e policisë në kampin e muxhahedinëve të MEK në Manzë. Nga Korça ku foli pas konstituimit të këshillit bashkiak, Peleshi tha se ndërhyrja e policisë në kampin e muxhahedinëve ka qenë në respektim të plotë të ligjeve të shtetit shqiptar dhe vijoi më tej duke u shprehur se nuk mund të lejohet krijimi i ‘ishujve të vegjël’ ku të shkelen ligjet e vendit.

“Sa i përket vijimit, ne jemi të vendosur që të mos lejojmë të  krijohen ishuj ku të tejkalohen ligjet. Ne jemi treguar tolerantë brenda kufijve të lejuar. Ne do vazhdojmë të jemi vend pritës dhe gjithë ato angazhimet që kemi marrë për këtë komunitet ne do t’i zbatojmë por pa lejuar të shkelen rregullat shqiptare”-tha Peleshi.

Sa i takon sulmeve kibernetike nga Irani ndaj shtetit shqiptar, Peleshi tha se asgjë nuk mund ta justifikojë një veprim të tillë ndaj edhe ndërprerja e marrëdhënieve me shtetin iranian sipas tij ka qenë një veprim i drejtë edhe pse Irani është një superfuqi në botën kibernetike.

“Ndërprerja e marrëdhënieve diplomatike me Iranin ka qenë vendim i drejtë dhe i matur. Në pasi morëm provat e qarta të sulmeve kibernetike vendosëm të prishim marrëdhëniet diplomatike. Nuk është një akt i lehtë, sepse Irani është një superfuqi kibernetike por ne do të reagojmë në këtë rast sa herë të cënohet siguria jonë”-shtoi ministri.

Peleshi tha se Shqipëria është vend i NATO-s dhe se do të reagojë me vendosmëri ndaj kujtdo që përpiqet të cënojë sigurinë kombëtare.

Duke u ndalur tek marrëdhëniet e tensionuara Kosovë-Serbi, Peleshi i ka kërkuar palës serbe lirim e menjëhershëm të 3 policëve kosovarë, ndërkohë që ka shtuar se nuk duhet të ketë parakushte për të shkuar drejt tavolinës së dialogut.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbërori: 23/06/2023 16:19

    Të lumt ????????

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

31 Mars, 22:55