Peleshi: Përmirësohet situata në vend pas stuhisë, por gjatë natës priten reshje me intensitet të lartë! Apel qytetarëve

Ministri i Mbrojtjes, Niko Peleshi bën me dije se është normalizuar situata e krijuar si pasojë e reshjeve të dendura të shiut që përfshiu disa qytete të vendit.

"Situata e krijuar si pasojë e reshjeve intensive pothuaj në të gjithë territorin e vendit paraqitet më e mirë, por strukturat e emergjencave civile vijojnë punën në terren për eliminimin e çdo pasoje."

LEXO EDHE:
Tiranë, shpërtheu zyrën noteriale tek ish-blloku, vihet në pranga autori i vënies së eksplozivit (EMRI)

Peleshi theksoi se tre ekipe nga Forcat e Armatosura janë angazhuar në ndihmë të punonjësve të bashkisë së Tiranës, ku situata është përmirësuar ndjeshëm.

Po ashtu sipas tij, vëmendje e shtuar është në qarqet Dibër e Shkodër, ku po punohet për pastrimin e disa akseve.

“Sipas parashikimeve nga IGJEO, gjatë natës priten reshje me intensitet të lartë në të gjithë territorin e vendit, ku në një pjesë të madhe të tij reshjet do të jenë në formën e rrebesheve dhe stuhive shoqëruar me shkarkesa të forta. U bëjmë thirrje qytetarëve të njoftojnë në kohë, në rast nevoje dhe të shmangin lëvizjet e panevojshme”, theksoi ministri.

Lajmi kryesor:

Stuhia 'Ciaran' godet Shqipërinë! Përmbytje rrugësh në Tiranë e Durrës, Rrëshiqtje dherash dhe pemë të rrëzuara! Evitoni lëvizjet e panevojshme

B.K/Shqiptarja.com

TAG:
• Tirane
• Durres
• stuhia ciaran