Pensionet për ish-ushtarakët
projekti i ri mbi pagën minimale

TIRANE - Instituti i Sigurimeve Shoqërore do t’i llogarisë pensionet e ish-ushtarakëve mbi pagën minimale. Projektligji i ri i qeverisë detyron ISSH-n, që të njohë vitet e punës edhe në rast se nuk dorëzohen të gjitha dokumentet.

Fillimisht Ministria e Mbrojtjes hartoi një draft, i cili i propozonte Institutit të Sigurimeve Shoqërore që të njihte vitet e shërbimit ish-ushtarakëve për shkak se një pjesë e dosjeve nuk ishin të plota ose kishin humbur. Ky draft nuk u pranua nga ISSH dhe është kthyer mbrapsht, duke kërkuar dosjen e çdo rezervisti, në mënyrë që t’u njohë vitet e shërbimit. Në këtë mënyrë Ministria e Mbrojtjes hartoi një projektligj të veçantë, i cili pritet të miratohet në Këshillin e Ministrave për të njohur të gjitha vitet e shërbimit edhe për ata që s’kanë dosjet.