Ushtria amerikane njoftoi të mërkurën se do të lirojë nga shërbimi ata ushtarë që kanë refuzuar të vaksinohen kundër COVID-19. Në një njoftim për shtyp, ushtria tha se do të "nisë menjëherë procedurat për largimin e çdo ushtari që ka refuzuar urdhrin e vaksinimit kundër COVID-19-s dhe të atyre që nuk kanë një dëshmi të miratuar ose në pritje, për t'u përjashtuar nga ky rregull".
Deklarata thotë se urdhri vlen për ushtarët, rezervistët e ushtrisë në detyrë dhe kadetët. Direktiva u lëshua nga Sekretarja e Ushtrisë Christine Wormuth, e cila tha nëpërmjet një deklarate se: "gatishmëria e ushtrisë varet nga ushtarët që janë të përgatitur për t’u trajnuar, dislokuar, luftuar dhe fituar luftërat e kombit tonë. Ushtarët e pavaksinuar paraqesin rrezik për forcën (ushtarake amerikane) dhe rrezikojnë gatishmërinë e saj”.
Disa ligjvënës republikanë kanë shprehur dyshime mbi urdhrat për vaksinimin e detyruar të pjestarëve të ushtrisë amerikane. Senatori i Oklahomas, James Inhofe, republikani më i lartë i Komisionit të Forcave të Armatosura, në një postim në rrjetin Twitter javën e kaluar shkruante se "miliona dollarë të taksapaguesve do të shpenzohen për shkarkimin e trupave ushtarake të pavaksinuara dhe rekrutimin e atyre që do t'i zëvendësojnë".
Ushtarët e pavaksinuar, por që kanë kërkuar të përjashtohen nga ky urdhër për arsye mjekësore ose fetare, do të përjashtohen përkohësisht nga kërkesa për vaksinim të detyruar kundër COVID-19, deri në marrjen e vendimit mbi kërkesat e tyre. Ushtarëve që dalin në pension më ose para 1 korrikut 2022, do t'u jepet një përjashtim i përkohshëm.
Ushtria tha se prej 26 janarit 2022, 96 për qind e personelit të saj në detyrë aktive dhe 79 për qind e rezervistëve janë vaksinuar plotësisht. Po kështu nga 709 aplikime për të siguruar përjashtim për arsye mjekësore, janë miratuar vetëm gjashtë, 656 kërkesa janë refuzuar dhe 53 janë ende në shqyrtim.
Nga ana tjetër nga 2,910 kërkesa për përjashtim për arsye fetare, nuk është miratuar asnjë, 266 janë refuzuar ndërsa 2,644 po shqyrtohen./VOA/
Lajme të tjera
-
SHBA hetime rreth publikimit të paautorizuar të dokumenteve sekrete, mbi planet izraelite për të sulmuar Iranin
20 Tetor, 18:34 -
Pentagoni dërgon trupa shtesë në Lindjen e Mesme mes rritjes së frikës së zgjerimit të luftës
24 Shtator, 08:18 -
Pengatoni miraton mbështetje shtesë për Shërbimin Sekret për operacione të lidhura me fushatën zgjedhore
30 Gusht, 22:45 -
SHBA miraton shitjen e sistemeve Patriot në Gjermani
16 Gusht, 17:33 -
Komisioni Evropian kritikohet për jotransparencë në marrëveshjet për vaksinat
17 Korrik, 11:36 -
Pentagoni: Rusia lëshoi një armë hapësinore në rrugën e satelitit amerikan
22 Maj, 16:31 -
Pentagoni: Nëse Ukraina bie, NATO-ja do të duhet të luftojë me Rusinë! Putin nuk do të ndalet
1 Mars, 11:43 -
SHBA/ Pentagoni: Po punojmë për të furnizuar Ukrainën me avionë luftarakë F-16
24 Janar, 15:18 -
Pentagoni njofton se nuk ka më fonde për Ukrainën
23 Janar, 18:47 -
Pentagoni nuk njofton për ditë me radhë për shtrimin në spital të Sekretarit të Mbrojtjes, Austin
6 Janar, 17:45 -
Vritet një komandant pro-iranian në sulmin amerikan me dronë në Irak
4 Janar, 15:52 -
OBSH rekomandon që vaksina e COVID të injektohet çdo vit, studimi i ISHP: Krijohet mbrojtje
12 Nëntor 2023, 16:32
