Pentagoni: Ushtarët amerikanë në Evropë gati për të trajnuar ukrainasit

Pentagoni po shqyrton opsione të ndryshme për trajnimin e forcave ukrainase për të përdorur Switchblades, të ashtuquajturit 'dronë kamikaze' që Shtetet e Bashkuara kanë dërguar dhe po vazhdojnë të dërgojnë në Kiev. Kjo u raportua nga një zyrtar amerikan i mbrojtjes për CNN.

Ndër mundësitë e ndryshme janë ushtarët amerikanë që u vendosën në krahun lindor të NATO-s pas sulmit të Rusisë në Ukrainë. Pak ditë më parë, ministri amerikan i Mbrojtjes Lloyd Austin zbuloi se disa ushtarë ukrainas janë trajnuar për të përdorur armë të ndryshme amerikane në Shtetet e Bashkuara, ku ndodheshin para fillimit të luftës.

Trupat amerikane të dislokuara në vendet e NATO-s, theksoi zyrtari, "janë në gjendje të ofrojnë trajnime adekuate për çdo armatim të dërguar në Ukrainë".

Lajmi kryesor:

Telefonatë Biden-Zelensky: 800 mln dollarë ndihmë ushtarake për Ukrainën! SHBA akuza Putinit për gjenocid, reagon Kremlini: E papranueshme

SI.E./Shqiptarja.com

TAG:
• ukraine
• Rusi
• rusia sulmon ukrainen