Për 4 vite u kujdes për imazhin e kryeministrit, Blerta Kambo: Si është të jesh fotografe e Edi Ramës

Për rreth 4 vite, Blerta Kambo ka qenë fotografja e kryeministrit Edi Rama, duke e shoqëruar hap pas hapi në çdo aktivitet brenda dhe jashtë vendit që duhet thënë se nuk kanë qenë të pakët.

Më shumë detaje rreth punës së saj me kryeministrin, Kambo i ka treguar në “Studio Live” në Report Tv në një intervistë me gazetarin Arbër Hitaj.

“Kam pasur bashkëpunim të shkëlqyer me Ramën. Nëse ai është detajist unë jam 10 -ish më shumë. Ma lejonte që unë të mund t’i jepja ndonjë sugjerim në lidhje me fotografitë. Nuk jam ndierë e mikromenaxhuar. E vlerësoj, prandaj më zgjodhi që ta bëj atë punë. 4 vite nuk janë pak sepse ka qenë një eksperiencë që më ka rritur shumë. Që në fillim kam pasur qëllim që përmes fotove të tregoj histori. Pra storytelling. Për mua ka qenë gjithmonë e rëndësishme që të tregoja histori. Ishte e thjeshtë pastaj për mua që të bëjë fotografitë dhe të krijoja një histori, pra ta tregoja e jo ta shpikja", tha Kambo.

LEXO EDHE:
Dy adoleshentet me synime të qarta: Në punë e shkollë për turizëm! ‘Shtrojmë’ rrugën për tu bërë sipërmarrëse

Si politikanin që bën foto të bukura ajo veçon Barak Obamën.

“Në fotot e tij nuk ishte vetëm ajo dhënia e dorës, pra fotot zyrtare, ai e bëri më njerëzore”, shtoi ajo.

Lajmi kryesor:

'Burri i Kështjellës' në rozë, ekspozita ndryshe e fotografes Blerta Kambo: Patriarkati shqiptar, kanuni dhe mënjanimi i gruas

B.K/SI.E./Shqiptarja.com

TAG:
• studio live
• Blerta Kambo