TIRANË - Mësuesit do të testohen në muajin maj, për të marrë ose jo katogorinë e kualifikimit, që përkthehet në rritje page. Ministria e Arsimit do të zhvillojë provimin e kualifikimit për vitin 2016, kur pritet të testohen të gjithë mësuesit, që kanë mbi 5 vite pune. Sipas Ministrisë së Arsimit do të jenë tri kategori kualifikimi.

Kategoria “Mësues i Kualifikuar” merret për ata  që kanë më shumë se 5 vite punës, “Mësues Specialistë” për ata që kanë 10 vite punë dhe “Mësues Mjeshtër” për ata që kanë një provojë 20-vjeçare si arsimtarë. Për çdo kategori kualifikimi, përfitohet edhe një rritje page deri në 20%.

Për “Mësues i Kualifikuar” merret 5% shtesë në pagë, për kategorinë e dytë përfitohet 10% shtesë dhe për kategorinë “Mësues Mjeshtër” merret 20% shtesë mbi pagën aktuale. Po për çfrë do të testohen mësuesit? Gazeta publikon sot programet orientuese në degët kryesore, të cilat janë: Gjuhë-Letërsi, Matematikë, Arsim Fillor dhe për Gjuhët e Huaja