POP 5

Lajmet më të lexuara të 5 minutave të fundit

Sport

Për herë parë garë ndërkombëtare, Presidenti i Federatës së Skive: Do vijnë skiatorë nga e gjithë bota

Federata shqiptare e skive për herë të parë do organizojë një garë ndërkombëtare, FIS race, ku do të marrin pjesë mbi 200 skiatorë. Kevin Qerimaj, një nga sportistët që përfaqëson Shqipërinë, thotë se pretendon vendet e para, ndërsa presidenti Elvis Toçi kërkon mbështetjen e shqiptarëve.

Për herë të parë Federata Shqiptare e Skive do të organizojë një garë ndërkombëtare ku do të marin pjesë mbi 200 skiatorë në disiplina të ndryshme.

‘Të gjithë shqiptarët do shohin një gjë të mrekullueshme në alpet e Italisë, pasi për fatin tonë të keq nuk kemi pista të standarteve ndërkombëtare të homologuara. E dyta dhe më e rëndësishmmja, deri më sot në sekretarinë tonë janë rregjistruar vendet më të zhvilluara në arenën ndërkombëtare të skive. Ekipet zvicerane, austriake, gjermane, angleze dhe spanjolle,’-u shpreh Elvis Toçi, presidenti i Federatës Shqiptare të Skive.

Shqipëria në vitet e fundit ka patur paraqitje mbreslënëse falë Erjon Tolës, por edhe të riut Kevin Qerimaj, që në SES Cup u rendit i treti, duke fituar medalje të bronztë. Edhe pse 17-vjeç, Qerimaj ka pretendime të larta në garën që federata shqiptare e skive do organizojë nga data 18-21 dhjetor.

‘Këto garat janë shumë të mira edhe për pikët që na duhen për olimpiadën e dimrit në Pekin. Shpresoj të shkojë sa më mirë që të grumbullojmë sa më shumë pikë,’-deklaroi Kevin Qerimaj, skiator i Shqipërisë.

‘I ftoj të gjithë shqiptarët që janë në veri të Italisë hajde të bëni tifozllik, pasi do shihni flamurin shqiptar të varur në alpet e Delomiteve,’-tha Elvis Toçi, presidenti i Federatës Shqiptare të Skive.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

Dha dorëheqjen si kryebashkiak i Shkodrës? Reagon Benet Beci: Kush do të merret me llafe të merret me llafe

5 Nëntor, 11:15 nga Ergys Kavaja