POP 5

Lajmet më të lexuara të 5 minutave të fundit

Sociale

Për herë të parë në Lagunën e Karavastasë do ndërtohet shëtitore në kurorën e argjinaturës! Nis investimi me vlerë 1.45 milionë euro

Me një fond prej 145 milionë lekësh (1.45 milionë euro) ka nisur investimi në Divjakë-Karavasta për ndërtimin e argjinaturës e cila do shërbejë jo vetëm për mbrojtjen e lagunës por dhe si atraksion turistik për vizitorët. Në projekt parashikohet që mbi argjinaturë të ndërtohet një shëtitore 20 kilometra me ndriçim, korsi të dedikuar për këmbësorët dhe vende për peshkim.

Qeveria nëpërmjet Fondit Shqiptar të Zhvillimit ka financuar projektin e Bashkisë Divjakë për ngritjen e potencialeve turistike në Parkun Kombëtar Divjakë-Karavasta.

Me një fond prej 145 milionë lekësh (1.45 milionë euro) do të rehabilitohen 20 kilometra argjinaturë në lagunën e Karavastasë. Investimi që ka nisur të realizohet nga Kompania fituese e tenderit "Alba Konstruksion"  do të përfundojë për 12 muaj. Në të gjithë gjatësinë e argjinaturës do të ketë ndriçim, korsi të dedikuar për këmbësorë dhe biçikleta, gjelbërim vende atraktive buzë lagunës.

Kryetari i bashkisë së Divjakës Josif Gorreja, tha për Report tv se pjesë e projektit janë sistemi i tokave bujqësore, rritja e aktivitetit te peshkimit në lagunë.

“Sot fillon puna për argjinaturën mbrojtëse të lagunës dhe tokave. Pra qëllimi kryesor është të mbrohet laguna, të disiplinohen ujërat e tepërta. Po kështu kjo argjinaturë do kthehet në shëtitore 20 km nga këtu ku jemi deri në Adriatik. E gjithë shëtitorja do të jetë e ndriçuar dhe me pemë. Po kështu do ketë vend të veçantë për peshkimin me grep”, thekson Gorreja.

Parku Kombëtar Divjakë- Karavasta në këtë sezon veror ka një numër të shtuar vizitorësh.  Sipas të dhënave nga sporteli i Kulles dhe flotes së varkave, gjatë muajit korrik dhe gjysmës së parë të gushtit, parkun e vizituan 67 mijë persona, duke zënë 37% të vizitorëve në parqet kombëtare në rang vendi. Ndërsa me përfundimin e investimit synohet kthimi i Parkut në një nivel më të avancuar turizmi.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55