Kujt i referohet ambasadorja? Yuri Kim: Po tentohet të joshen dhe frikësohen gjyqtarë e prokurorë! Po shikojmë me kujdes zhvillimet

Ambasadorja e Shteteve të Bashkuara të Amerikës, Yuri Kim, përmes një postimi në Twitter ka shkruar se ka shumë përpjeke për të joshur apo frikësuar gjyqtarë për të dhënë vendime jo të drejta. Diplomatja shton se Shtetet e Bashkuara të Amerikës janë duke i kushtuar një vëmendje të veçantë të gjitha zhvillimeve dhe do vijojnë të mbështesin fuqishëm zbatimin e reformës në drejtësi.

 “Ne jemi të vetëdijshëm për më shumë përpjekje për të joshur ose frikësuar gjyqtarët dhe prokurorët, për të shtrembëruar drejtësinë, për të këmbëngulur në mosndëshkimin e të fuqishmëve - me fjalë të tjera, për të zvarritur Shqipërinë në të kaluarën. Gjyqtarët dhe prokurorët duhet të kryejnë detyrat e tyre në përputhje me ligjin, me integritet.

Është koha për të thyer modelet e vjetra të korrupsionit dhe ndikimit të paligjshëm në sistemin gjyqësor. Shqipëria duhet të ecë përpara, jo mbrapa, madje as të qëndrojë në vend. SHBA po i kushton vëmendje të gjitha zhvillimeve dhe do të vazhdojë të mbështesë fuqishëm zbatimin e reformës në drejtësi”, ka shkruar Kim.

LEXO EDHE:
Gjykata e Apelit në Nju Jork rrëzon dënimin e Harvey Weinstein

Ende nuk është e qartë se cilës ngjarje i referohet ambasadorja. 

K.T./SI.E./Shqiptarja.com

TAG:
• Yuri Kim
• ambasada e shba
• reforma ne drejtesi
• SHBA