Pavarësisht peshës së rritjes së çmimeve të energjisë dhe kërcënimit të një recesioni, industria gjermane vazhdon ta rrisë numrin e punonjësve të rinj. Në fund të gushtit, në sipërmarrjet e industrisë prodhuese që punësonin të paktën 50 persona punonin rreth 5.5 milionë vetë. Ky numër ishte 53.500 punonjës ose një për qind më shumë se një vit më parë, njoftoi të hënën (17.10.) Zyra Federale e Statistikave. "Numri i të punësuarve është rritur kështu për të tetën herë radhazi”, u tha. Krahasuar me korrikun e mëparshëm, ka pasur edhe një rritje prej 24.200 ose 0.4 për qind.
Megjithatë, evolucioni është shumë i ndryshëm nga një degë industriale në tjetrën. Prodhuesit e kompjuterëve, produkteve elektronike dhe optike (+4,1 për qind) dhe pajisjeve elektrike (+3,9 për qind) shënuan edhe një herë rritje të punësimit që ishte shumë mbi mesataren.
Rënie në sektorin e automobilave
Rritjet ishin shumë më të ulëta në sektorin e metalurgjisë dhe përpunimit të metaleve (1.3 për qind). Prodhuesit e produkteve ushqimore dhe ushqimit për kafshë, si dhe inxhinieri mekanike u rritën gjithashtu nën mesataren, me 0.9 për qind secili. Numri i të punësuarve në prodhuesit e makinave dhe pajisjeve të automobilave madje ra me 0.8 për qind.
Bllokim i porosive në industri
Sektori industrial aktualisht ndodhet para një mali me porosi, që po thyen të gjitha rekordet. Në korrik, stoku i porosive arriti nivelin më të lartë që nga viti 2015. Staticienët përmendin kostot e larta të energjisë dhe pengesat e vazhdueshme në furnizime si arsye për porositë e grumbulluara. Këta faktorë bëjnë që porositë të përpunohen vetëm ngadalë.
Industrinë e presin muaj të vështirë. Në gusht, bizneset e reja përjetuan tkurrjen e më të madhe që nga fillimi i luftës ruse kundër Ukrainës. Industria gjermane pranoi më pak porosi të reja edhe në korrik. Porositë e reja ranë me 1.1 për qind. Shitjet madje ranë me 1.8 për qind. "Pasiguria e madhe në lidhje me furnizimin me energji po rëndon mbi bizneset, klimën e investimeve dhe kërkesën për mallra industriale,” ankohet Federata e Dhomave Gjermane të Tregtisë dhe Industrisë (DIHK).
Orët e punës në prodhim në gusht u rritën 6.3 për qind, nga i njëjti muaj një vit më parë në 654 milionë orë. Megjithatë, muaji gusht këtë herë kishte edhe një ditë shtesë pune. Shpenzimet për pagat e punonjësve arritën në rreth 23.8 miliardë euro, një rritje prej 3.6 për qind./DW
Lajme të tjera
-
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Gjermani/ Tragjedi në Magdeburg, makina përplas turmën në Tregun e Krishtlindjeve, 2 të vdekur e 68 të plagosur! Kapet autori! S'ka shqiptarë të lënduar (VIDEO)
20 Dhjetor, 20:49 -
Zgjedhjet në Gjermani/ Elon Musk shpreh hapur mbështetjen për AfD-në, partinë e ekstremit të djathtë
20 Dhjetor, 16:49 -
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
-
Arrestohet në Gjermani Florian Marku, boksieri shqiptar 'hesape' me drejtësinë greke
18 Dhjetor, 22:10
-
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Gjermania që ne njihnim është zhdukur
17 Dhjetor, 20:53
-
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Nderohet Franz Beckenbauer, Superkupa e Gjermanisë merr emrin e tij
16 Dhjetor, 22:15 -
Scholz humbet votëbesimin, Gjermania shkon në zgjedhje të parakohshme
16 Dhjetor, 16:51 -
Skandal me futbollistin e Dortmund, babai i tij zbulon moshën reale: Mora certifikatë false
15 Dhjetor, 21:00 -
Kostot e banimit po varfërojnë gjermanët
15 Dhjetor, 10:39
