Sopranoja Inva Mula dhe muzikanti Genc Tukiçi mbajnë në Shkodër koncertin ‘Për ty babë’: Ky qytet mbetet shtëpia jonë

Sopranoja Inva Mula dhe muzikanti Genc Tukiçi sollën një repertor të pasur këngësh shqiptare, italiane e franceze në koncertin “Për ty babë”. Dy artistët e skenës e nisën me këngë shkodrane sepse siç shprehen “Shkodra mbetet shtëpia e tyre e zemrës”, njëjtë si edhe Gjakova ku Avni Mula u lind.

"Një nga detyrimet e mia artistike është që këto këngë të mos vdesin asnjëherë", Inva Mula .

"Çdo gjë këtu ka filluar këtu në Shkodër. Kam shumë vite pa dhënë koncert në Shkodër ndaj kërkoj ndjesë se këtë publik nuk e gjen askund në botë", tha Genc Tukiçi.

Nuk munguan as këngë të festivaleve për fëmijë ku sopranoja e famshme merrte pjesë rregullisht në Shkodër. Koncerti u shoqërua me kolazh fotografish të artistëve Avni Mula dhe Ibrahim Tukiçi.

Një ndër momentet më emocionuese padyshim dueti i Luleborës ku Inva Mula interpretoi me Genc Tukiçin.

Koncerti “Për ty babë” përmbylli aktivitetet e zhvilluara në kuadrin e "Festës së Luleve" dhe dhuroi emocione që do mbahen mend gjatë nga publiku shkodran.  

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

Moska po vlerëson shkëmbimin e të burgosurve në Azov me aleatin kryesor të Putinit