POP 5

Lajmet më të lexuara të 5 minutave të fundit

Përballë nesh Salento, turizmi xhentil

Salento shtrihet e gjitha në pjesën e poshtme të takës së çizmes, nëse kemi parasysh formën e gjithë Italisë. Eshtë tamam përballë Vlorës, Himarës, Dhërmiut, Sarandës, gjithë Rivierës tonë. Në Salento, me kryeqendër Leccen, ndjehen të njëjtat aroma të bimëve mesdhetare që rriten në Jugun shqiptar dhe perceptohet e njëjta thjeshtësi e njerëzve dhe bukuri e rrallë e natyrës.
Përballë nesh Salento, turizmi xhentil
Salento shtrihet e gjitha në pjesën e poshtme të takës së çizmes, nëse kemi parasysh formën e gjithë Italisë. Eshtë tamam përballë Vlorës, Himarës, Dhërmiut, Sarandës, gjithë Rivierës tonë. Në Salento, me kryeqendër Leccen, ndjehen të njëjtat aroma të bimëve mesdhetare që rriten në Jugun shqiptar dhe perceptohet e njëjta thjeshtësi e njerëzve dhe bukuri e rrallë e natyrës. Eshtë një krahinë e Italisë që ruan dhe respekton me dashuri çdo gur,  bimë, traditë duke i pasuruar me të rejat që sjell modernizimi.

Ka shumë të përbëshkëta mes nesh dhe salentinëve; qytete si Otranto, Tricase, Maglie ruajnë copëza të historisë shqiptare dhe njerëzit e këtyre anëve kanë një simpati të natyrshme për ne, fqinjët përballë. Spitali i qytetit Tricase ka kuruar shumë fëmijë dhe të rritur shqiptarë, është një nga ekselencat e Jugut ekstrem të Italisë. Bashkëpunime të mira janë bërë edhe me Universitetin e Lecce-s. Në bare nuk është e vështirë të takosh sipërmarrës që kanë prekur realitetin shqiptar e të shohësh rrugëve të shtrihen pronat me stemën e familjes që pason Kastriot Skendërbeun. Në Alessano, Tricase ka aristokratë  me origjinë shqiptare.

Vitet e fundit turizmi në Salento është një zbulim jo vetëm për Italinë, por edhe për jashtë saj. Salento është në modë. Aktorë, regjisorë, shkrimtarë me famë botërore kanë blerë të ashtuquajturat maseri (kështjella, ferma) i kanë restauruar, duke i kthyer në shkëlqimin e tyre të mëparshëm. Çdo qytet, sado i vogël, ka kështjellën e familjes aristokrate që e ka drejtuar. Shumë nga këto shtëpi-kështjella janë rindërtuar, të tjera janë në shitje apo në administrim të komunave; të gjitha i japin një sharm të veçantë të gjithë kësaj krahine. Salento nuk shquhet për turizmin e luksit, por në atë të thjeshtësisë, natyrës  e kuzhinës së mirë. Bashkitë e qyteteve të ndryshme organizojnë festa kulinare gjatë gjithë verës, që mbushin rrugët plot me njerëz dhe me erëra të mrekullueshme gatimesh: Festa e domates, e kërmijve, e pjeprit, e sherebelës, e patëllxhanit... Apo teatro të rrugës, promovime librash në sheshe, biseda me aktorë, shkrimtarë e artistë... E gjithë Salento shndërrohet në një skenë në qiell të hapur, ku si skenografi janë sheshet e qyteteve.

E megjithatë, në një javë qëndrim në këtë tokë përballë nesh, kuptova dhe një sekret tjetër: atë të buzëqëshjes, përkushtimit ndaj turistëve dhe të takimit të njerëzve të mirë. Edhe një B&B në Casamassella, si të thuash Tërbaç apo Dukat, i pret bujtësit restësorë si të ishin mbretër.
E di që shumë shqiptarë kanë në mendjen  e tyre turizëm të tipit Dubai, Antalja, apo ishuj të famshëm në botë, por për ne, për Jugun tonë eksperienca e Salentos me thjeshtësinë dhe bujarinë na shkon shumë për shtat. Jugu i Shqipërisë, i pasur dhe i bukur sa më s’ka, do të pasurohej akoma më shumë po të kthente sytë nga ky turizëm i thjeshtë e xhentil, vetëm pak kilometra përballë.
 
 

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Deputetja Xhixho: Dështimin e saj qeveria ia hedh TikTok-ut! Kërkojmë qeveri teknike dhe zgjedhje të lira

Deputetja Xhixho: Dështimin e saj qeveria ia hedh TikTok-ut! Kërkojmë qeveri teknike dhe zgjedhje të lira

23 Dhjetor, 18:03