POP 5

Lajmet më të lexuara të 5 minutave të fundit

Sport

Përballja me kryesuesit, Erbim Fagu: Tirana kërkon tri pikë për 'Final 4'

Tirana dhe Egnatia luajnë të dielë në orën 17:00 në "Elbasan Arena" për raundin e 27-të në Superligë. Para ndeshjes për mediet foli Erbim Fagu.

Përballja me kryesuesit, Erbim Fagu: Tirana kërkon tri pikë për 'Final 4'

Erbim Fagu

Tirana dhe Egnatia luajnë të dielë në orën 17:00 në "Elbasan Arena" për raundin e 27-të në Superligë. Para ndeshjes për mediet foli Erbim Fagu. Trajneri i Tiranës kërkon tri pikët për "Final 4", teksa vlerëson kalimin në gjysmëfinalet e Kupës.

Kundër kryesuesve nuk do jetë e lehtë për bardheblutë, të cilët nuk po kalojnë një moment të mirë dhe rrezikojnë vendin e katërt.

"Patjetër që një kualifikim në gjysmëfinale është një gjë shumë e mirë si për skuadrën, ashtu dhe klubin. Tashmë kemi Egnatian. Skuadër e vendit të parë, skuadër me vlera, por ne shpresojmë që të japim më të mirën dhe të marrim maksimumin.

Gjendja e skuadrës? Kemi disa probleme, të cilat do t’i vlerësojmë edhe sot me stafin mjekësor për të parë se kush është do të jetë i disponueshëm për ndeshjen e nesërme. Mendoj se grupi do të jetë i plotë dhe shpresoj që të marrim maksimumin. Nuk dua të nisem nga rezultatet e kaluara që kanë pasur këto dy skuadra në kampionat, pasi kampionati shqiptar është i vështirë. Nuk mendoj se ka vend për frikë, sepse ne kemi lojtarë me kualitet.

Objektivi? Ne do të hyjmë në ndeshje për ta fituar pavarësisht renditjes. Është e vërtetë që janë dy sulmet më të mira të kampionatit, por në këtë fazë që jemi është e rëndësishme të marrim tre pikët. Nuk na intereson golavarazhi apo sulmet kush është më mirë, e kush është më dobët. Ne synojmë pikët për të arritur dhe ‘Final 4’", tha Fagu.

Pas javës së 26-të, Egnatia kryeson renditjen me 50 pikë, katër më shumë se Vllaznia ndjekëse. Tirana me 35 pikë mban vendin e gjashtë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50