Përçarja në PD, Çollaku në Report Tv: Nëse Berisha tërhiqet dy palët bashkohen! Ka ende hapësirë për të dalë me një kandidat në zgjedhjet vendore

TIRANË- Një vit dramatik në historinë e Partisë Demokratike e ka cilësuar deputeti Kreshnik Çollaku përçarjen e partisë. I ftuar në Report Tv, Çollaku tha se vetëm tërheqja e Sali Berishës do të sillte bashkimin e plotë të të dyja palëve brenda në PD.

Në emisionin ‘Sot Live në Shqipëri’ me gazetarët Migena Sotiri dhe Nertil Agalliu, deputeti demokrat tha se i vetmi shkak i ndarjes ka qenë prishja e marrëdhënieve me aleatin më të madh të PD-së, Shtetet e Bashkuara të Amerikës dhe një hap pas i Berishës do qetësonte ujërat mes demokratëve.

“Viti më dramatik në historinë e PD. Ngjarjet që patën një fillim agresiv që nga 8 janari mund të quhet pas asnjë lloj hiperbolizimi viti më dramatik në historinë e PD. Po ballafaqohemi me një sfidë elektorale, që për interesa personale po shkojmë të ndarë. Përpjekja e jonë për të pasur një kandidat të përbashkët u prish se për të bashkëpunuar duhet të njihni statutin tim. Të vësh kusht të pranoni kusht mu duk një pretekst për të mos e vazhduar bashkëpunimin. Në fakt edhe statuti po përplaset. Kishte hapësira për tu bashkuar me një kandidat të përbashkët. Në mënyrë racionale duhej të shkonin drejt kësaj zgjidhje që e kërkojnë njerëzit. Jemi në situatën ku duhet të shohim edhe zgërdhirjen e qeverisë kur zihen demokratët. Tërheqja e Berishës mund të sjellë bashkimin? Po, marrëdhënie e tij me ata që ne i kemi aletë strategjikë ka qenë shkaku i ndarjes”, tha Çollaku.  

Ndalur në zgjedhjet lokale, Çollaku tha se ka ende hapësira për të dalë me një kandiat të përbashkët, pasi kjo situatë do dëmtojë vetëm elektoratin e PD-së.

“Faturën do e paguajnë demokratët që do humbasin. Po presim gjyaktën, nëse njeh siglën, kudo ta njohë siglën, unë do jem nën siglën e PD. S’ka pengesë për tu zgjidhur, edhe kolegët e rithemelimit do duhej të bënin të njëjtën gjë. Anëtarë të LSI të përcaktojnë kandidatin e PD. Ngjitja artificiale që kanë dashur të bëjnë me anëtarët e tretë ka krijuar problematika me e strukturat e PD. S’mund të bësh primaret me simpatizantë për të bashkuara strukturat e Partisë së Lirisë dhe PD. Unë prap them se ka hapësirë për të dalë me një kandidat”, tha Çollaku.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 2024/ VAR 'ngrin' Lukakun dhe Belgjikën, Sllovakia fiton 0-1 në Grupin E

Euro 2024/ VAR 'ngrin' Lukakun dhe Belgjikën, Sllovakia fiton 0-1 në Grupin E