POP 5

Lajmet më të lexuara të 5 minutave të fundit

Kultura

Përcillet për në banesën e fundit “bilbili i këngës” durrsake, Qemal Kërtusha

Ditën e sotme u përcoll për në banesën e fundit “bilbili i këngës” durrsake, Qemal Kërtusha.

Ditën e sotme u përcoll për në banesën e fundit “bilbili i këngës” durrsake, Qemal Kërtusha.

Në moshën 90-vjeçare Kërtusha ishte ende pjesë e jetës artistike të qytetit të Durrësit, duke qenë prezent në shumë zhvillime kulturore përkrah bashkëshortes së tij Mereme Kërtusha.

Figura të ndryshme si Roland Koça, aktor i trupës së estrades, Ermir Dizdari, dirigjent, Naim Nova, ish-drejtues i Pallatit të kulturës në kohën kur Kërtusha ishte pjesë e tij, Aishe Stari, aktore e trupës së estradës dhe personalitete politike si deputetja Klodiana Spahiu dhe kryetarja e bashkisë, Emiriana Sako, morën pjesë në homazhet e mbajtura në ambientet e Pallatit të Kulturës së qytetit të Durrësit.

Qemal Kërtusha u lind më 27 tetor të vitit 1931. Në një jetë të gjatë dhe të mbushur me vepra, Kërtusha ka qenë pjesë e lëvizjes amatore artistike të qytetit qysh në vitin 1946, në vitin 1948 është pjesëmarrës i filarmonisë shqiptare në Tiranë, në vitin 1951 pjesëtar i ansamblit të ushtrisë. Pasi kryen shkollën e mesme në vendlindje, në periudhën 1951 – 53 studion për kanto me padagoge Artisten e Popullit Marie Kraja. Kthehet në qytetin e lindjes dhe inkuadrohet si aktor në teatrin “A.Moisiu”. Me krijimin e estradës profesioniste kalon si këngëtar profesionist dhe jep shfaqje në të gjitha skenat e vendit. Me një zë krejt të veçantë dhe me mundësi të pakufizuara vokale, diapazoni i tij shtrihet nga muzika popullore, muzika e lehtë, romancat, kënga partizane, kantata e deri tek ajo më e vështira, opera. Në vitin 1962 është pjesëmarrës i festivalit të parë të këngës në Radio, ku nderohet me çmime për të tria këngët; “Fëmija i parë”, “Vashëzo” dhe “Mos më qorto”. Më pas vijon me cmimet e fituara në shtatëmbëdhjetë festivale rresht. Në vitin 1963 ai pregatit dhe jep me sukses të parin koncert recital me këngë nga festivalet e muzikës së lehtë. Në vitin 1968 merr pjesë në operan “Bijtë e Skëndërbeut”. Duke parë vlerat e mëdha artistike dhe njerëzore të tij, në vitin 1968 i akordohet titulli “Artist i Merituar”. Është fitues i medaljeve të arta në takimet e estradave si në Tiranë, Peshkopi e Shkodër. Të bujshme kanë qenë koncertet e tij në Kosovë, Maqedoni dhe Mal të Zi, ku është pritur mjaft ngrohtësisht nga vëllezërit tanë të një gjaku.Në repertorin e tij numërohen mbi 1000 këngë të kënduara nëpër skenat tona, apo të incizuara në Radio Tirana. Në vitin 2008 i është akorduar titulli “Qytetar Nderi” i Durrësit.

Sot Qemal Kërtusha u përcoll nga qytetarët dhe familjarët drejt banesës së fundit mes duartrokitjeve të cilët iu falën himnit që Kërtusha i këndoi Durrësit “Të falem i bukuri Durrës”.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu