Futbollisti Robinho duket se nuk do t'i shpëtojë hekurave pasi akuzohet për përdhunimin ndaj shqiptares në vitin 2013. Ministria e Drejtësisë në Itali u ka kërkuar autoriteteve braziliane që të ekstradojnë ish yllin e Manchester City, Robinho, në mënyrë që të vuajë dënimin me 9 vite burg.
Gjykata e Lartë e Romës vendosi dënimin për 38-vjecarin që më pas u konfirmua dhe nga gjykata e Apelit. Robinho, emri i plotë i të cilit është Robson de Souza, jeton në Brazil. Ministria e Drejtësisë ka kërkuar edhe ekstradimin e mikut të tij Ricardo Falco, i cili ishte një nga të përfshirët në ngjarje.
Edhe katër personat e tjerë të përfshirë nuk janë gjurmuar nga autoritetet italiane dhe për këtë arsye nuk janë ndjekur penalisht.
![](https://shqiptarja.com/template/img/NO_ALFA_Kuadrate shqiptarja.png)
Robinho së bashku me pesë të tjerë akuzohen se më 22 janar të vitit 2013 kanë përdhunuar një 23-vjeçare shqiptare e cila po festonte ditëlindjen e saj në një klub nate në Milano. Kujtojmë se për disa vite, Robihno ka qenë pjesë e skuadrës italiane, Milan.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)