Përdorën Photoshop dhe dokumente të falsifikuara për të regjistruar tokën prej 2000 m2 te Plepat në Durrës, 4 të arrestuar, mes tyre juristi i kadastrës

Policia e Durrësit ka dhënë informacione në lidhje me arrestimet e ndodhura në kadastrën e Durrësit, ku në pranga ranë 4 persona, mes tyre edhe juristi i Kadastrës Mikel Zaho.

Gjatë operacionit të koduar "Mbikalimi" janë arrestuar Ilias Fisheku, 62 vjeç, banues ne Fier,  Giraon Aliko, 36 vjeç, lindur dhe banues në Plepa Durrës, Mikel Zaho, 43 vjeç , me pune në Zyrat e Kadastrës Durrës, ndërsa u la në “arrest shtëpie” Rakip Haxhiu, 77 vjeç.

Të arrestuarit në bashkëpunim me njeri tjetrin me dokumente të falsifikuara, kanë aplikuar dhe regjistruar në Hipotekën e Durrësit një pasuri të paluajtshme 2000 m2, tokë Truall dhe mbi te 550 m ndërtese, në zonën bregdetare, fshatin Vrinjë, Njësia Administrative Rrashbull, rrethi Durrës.

Pasuria është regjistruar ne kadastër faktikisht me dokumente të falsifikuara në emër të Giraon Aliko dhe Rakip Haxhiu,ku është përdorur Photoshop për lejen e legalizimit për objektin me një sipërfaqe ndërtimi 550m2 dhe sipërfaqe trualli 2000 m2.  

Arrestimi i tyre u bë për veprat penale të "Falsifikimit të dokumenteve" dhe të "mashtrimit", te kryer në bashkëpunim.

Lajmi kryesor:

4 të arrestuar në Durrës, juristi i Kadastrës dhe 3 të tjerë, falsifikuan dokumentet e regjistruan një pronë 2000m2 dhe një godinë 550m2 mbi të! Përdorën fotoshopin

TAG:
• Durres
• media
• kadastra durres
• mikel zaho
• ilias fisheku
• giraon aliko
• rakip haxhiu