Përdornin qendrat e masazheve për prostitucion, Prokuroria e Tiranës çon në gjyq dy vëllezërit (EMRAT)

Prokuroria e Tiranës dërgoi për gjykim dy vëllezërit Mario dhe Andi Roshi, në akuzë për pastrim parash, të kryer në bashkëpunim.

Të dy janë arrestuar në vitin 2020 si administratorë të qendrave të masazhit, pasi rekrutonin vajza për t’i punësuar si masazhatore dhe i detyronin të kryenin shërbime seksuale kundrejt pagesës dhe përfitimet i ndanin me njëri-tjetrin. 

Hetimi i kryer nga prokuroria, tregoi se pasuritë e 2 vëllezërve nuk justifikohen me të ardhura të ligjshme dhe rrjedhimisht rridhnin nga veprimtaria kriminale. Me kërkesë të prokurorisë, gjykata sekuestroi pasuritë e tyre të siguruara ndër vite, të cilat nuk arritën t’i justifikojnë me të ardhura të ligjshme.

Bëhet fjalë për një apartament mbi 100 m2, një vend parkimi, 3 makina “Benz”, “Volksëagen” dhe “Scoda Octava” dhe një njësi biznesi. 

Njëri prej vëllezërve, Andi Roshi rezulton të jetë arrestuar edhe në korrik 2024, kësaj here në Durrës, sërish për po të njëjtën vepër penale, shfrytëzimin e vajzave për prostitucion. 
 

S.G/Shqiptarja.com

TAG:
• Mario roshi
• Andi roshi