Laguna e Nartës në Vlorë është një nga më magjepëset veçanërisht në sezonin e flamingove.

Pamjet magjike vijnë në një moment ku kombinohen edhe ngjyrat mes zogjve ‘pink’ dhe një perëndimi të kuq poetik.

Fotografi Olsi Meraj ka ndarë këto pamje mbresëlënëse nga laguna, ku mijëra flamingo lodrojnë dhe folezojnë.

“Këtu jetojnë mijëra flamingo, ndonjëherë mbi 5,000 njëkohësisht. Kjo ligatinë mahnitëse në Shqipëri ka mirëpritur së fundmi koloninë e saj të parë të folezimit, me më shumë se 280 fole të zbuluara. Kjo e kthen Nartën në një nga parajsat më magjike të flamingove në Evropë”, shkruan ai.